02 Augustus 06:17
12°C / 19°C

Kaapstad Verander Area

Vandag


19°C / 12°C

Wind 7km/h


Reënval 0mm


Humiditeit 48%

Maandag


17°C / 13°C

Wind 35km/h


Reënval 0mm


Humiditeit 70%

Dinsdag


15°C / 13°C

Wind 33km/h


Reënval 10mm


Humiditeit 86%

Woensdag


16°C / 13°C

Wind 11km/h


Reënval 0mm


Humiditeit 64%

Donderdag


20°C / 12°C

Wind 6km/h


Reënval 0mm


Humiditeit 51%

Vrydag


17°C / 12°C

Wind 12km/h


Reënval 0mm


Humiditeit 65%

Nuus

Kanker eis stigterslid van Silwer Valke

Deur Raymond Willemse Maandag 13 Januarie 2014 01:16

Kol. Chris Prins

Stellenbosch. – ’n Stigterslid van die Silwer Valke is gister as ’n pionier, legende en ’n besonderse leier beskryf.

Chris Prins (80) is verlede Vrydag in 2 Militêre Hospitaal in Wynberg aan kanker oorlede.

Prins se enigste kind, Chris jr., het gister gesê sy pa het diep spore in die Suid-Afrikaanse lugmag getrap. “Hy was ’n ongelooflike goeie vlieënier.”

Chris het gesê sy pa het op 19-jarige ouderdom as ’n vlieënier gekwalifiseer. “Op 36-jarige ouderdom het hy die jongste kolonel in die geskiedenis van die Suid-Afrikaanse Weermag geword toe hy as bevelvoerder van die Langebaanweg-lugmagbasis aan die Weskus aangestel is.”

Prins was in 1967 die eerste leier van die Silwer Valke. Hy was deel van die oorspronklike Silwer Valke saam met maj.genl. Fred du Toit, kol. Theuns Prinsloo en kol. Chris Hattingh. Hattingh is ook al oorlede.

Prinsloo, ’n medestigterslid, het in ’n huldeblyk gesê die lugmag het ’n kranige en beminde vlieënier verloor. “Prins het verseker dat die gehalte opleiding van vlieëniers op die Impala-vliegtuie met die beste ter wêreld vergelyk kon word. Honderde lugmagvlieëniers kan vandag hierdie man bedank vir hul deeglike opleiding. Oor die jare het die Silwer Valke genot aan honderdduisende toeskouers verskaf. Die lugmag salueer ’n merkwaardige vlieënier.”

Volgens Prinsloo het die Silwer Valke destyds as die “Bumbling Bees” bekend gestaan. “Dit was egter ’n moeilik vertaalbare naam na Afrikaans. Onder sy leiding is die naam amptelik verander na die Silwer Valke.”

Chris het gesê hy onthou as kind hoe hy vir sy pa op die aanloopbaan gewag het. “Ek het in die kajuit geklim en my pa het my sy valhelm gegee. Ek onthou die reuk van sweet en lemoenskille in die kajuit.”

Prins word oorleef deur sy seun en twee kleinkinders, Larissa en Joshua. Sy vrou, Monica, is in 2011 oorlede. Hy word Donderdag 14:00 uit die Metodistekerk in Kerkstraat in die Strand begrawe.