07 Julie 11:00
15°C / 19°C

Kaapstad Verander Area

Vandag


19°C / 15°C

Wind 30km/h


Reënval 0mm


Humiditeit 68%

Woensdag


15°C / 13°C

Wind 13km/h


Reënval 0mm


Humiditeit 86%

Donderdag


16°C / 12°C

Wind 13km/h


Reënval 0mm


Humiditeit 80%

Vrydag


17°C / 13°C

Wind 6km/h


Reënval 0mm


Humiditeit 78%

Saterdag


15°C / 13°C

Wind 36km/h


Reënval 12mm


Humiditeit 89%

Sondag


14°C / 12°C

Wind 35km/h


Reënval 11mm


Humiditeit 71%

Nuus

Van swaarkry tot skitterprestasies: Buitengewone toekennings:

Deur Marelize Barnard Dinsdag 14 Januarie 2014 21:39

KAAPSTAD. – “Ons ma het ons gelos ... Dit was nie die eerste keer nie.”

Mercia Mentoor, wat verlede jaar matriek geskryf het aan die Sekondêre Skool Klein Nederburg in die Paarl, vertel sy moes as ­laerskoolkind die ma in hul huis word vir haar twee kleiner boeties, toe een en drie jaar oud.

Haar ma het weggeloop en haar pa het op ’n plaas gewerk. Sy het dus die klere gewas en kos gekook in die plakkershuis in die woonbuurt Kingston, waar sy en haar boeties sonder enige volwassene in die huis moes regkom.

Sy moes ook ophou skoolgaan om haar boeties te versorg.

Mercia het gister een van drie buitengewone ministeriële toekennings ontvang vir ’n 2013-matrikulant wat ondanks groot persoonlike uitdagings steeds akademies uitstekend presteer het.

Sy het drie onderskeidings behaal, naamlik 85% in rekeningkunde, 85% in ekonomie en 83% in Engels eerste addisionele taal.

Mercia het by die geleentheid vir matrikulante wat presteer het vertel hoe haar ma se probleem met drankmisbruik daartoe gelei het dat sy haar gesin verlaat het. “Daarna moes ek kosmaak en wasgoed was. Ek kon nie skoolgaan nie.”

Die kinders is naderhand deur hul tannie, Sonia King van die Paarl, grootgemaak. En gister was King aan Mercia se sy om haar groot prys te ontvang.

“Ek het my ma gemis. Maar ek het haar ook verwyt,” het Mercia vertel.

Sy vermoed haar ma woon deesdae in die Strand.

“Ek dink dit gaan vandag nog so, sy misbruik steeds alkohol. Ek was ’n lang tyd bitter. Ek het haar by tye gehaat.”

Nou kyk Mercia na die toekoms. “Ek dink die prys is wonderlik. Dit is onverwags om so ’n prys te kry. Ek voel trots op myself.”

Die prys sluit in R8 000 kontant en ’n tabletrekenaar.

Mercia gaan BRek aan die Universiteit Stellenbosch (US) studeer. Sy was in haar matriekjaar deel van die Hope@Maties-program by die US en het ’n beurs gekry.

“My passie is rekeningkunde. Ek sal ’n jaar vir die regering wil gaan werk en ook later skool gee in rekeningkunde,” het Mercia gesê en geglimlag terwyl sy oor haar toekomsplanne praat.

Ministeriële toekennings:

) D.C. Prins van die Hoërskool ­Charlie Hofmeyr in Ceres het sy skoolloopbaan in ’n rolstoel aan ’n gewone hoërskool afgelê.

) Siyanda Sityata van die ­Hoërskool Joe Slovo in Khayelitsha het vier ­onderskeidings gekry, hoewel hy in baie moeilike omstandighede ­grootgeword het. Hy is talle kere aangeval en beroof terwyl hy ná skool en oor naweke ekstra klasse bygewoon het.

Uitstekende prestasie, ondanks beperkende omstandighede:

) Bianca Nel van die Jan Kriel Skool;

) Lorenzo Daniel Andrews, gehoorgestremd, van die Dominican Grimley-skool in Houtbaai; en

) Karin van Wyk, siggestremd, van die Pionierskool in Worcester.