Kaapstad Verander Area

Vandag


24°C / 16°C

Wind 26km/h


Reënval 0.0mm


Humiditeit 65%

Vrydag


23°C / 13°C

Wind 22km/h


Reënval 0.0mm


Humiditeit 52%

Saterdag


22°C / 15°C

Wind 20km/h


Reënval 0.0mm


Humiditeit 53%

Sondag


23°C / 16°C

Wind 24km/h


Reënval 0.0mm


Humiditeit 54%

Maandag


26°C / 17°C

Wind 33km/h


Reënval 0.0mm


Humiditeit 50%

Dinsdag


24°C / 17°C

Wind 27km/h


Reënval 0.0mm


Humiditeit 53%

Nuus

Poubloues 2 Leeus ryker

Bezuidenhout, Meyer op pad na Kby

Deur Gerdie Karstens Dinsdag 21 Januarie 2014 8:46 nm.

GRIEKWAS het die diens van twee Leeu-staatmakers vir die Vodacombeker- en Curriebeker-reeks bekom.

Die haker Martin Bezuidenhout en die skrumskakel Tian Meyer, wat albei sterk aanspraakmakers op insluiting in die Cheetahs se Super-span sal wees, sluit hulle later vandeesweek in die Diamantstad aan.

Die Poubloues het hulle as plaasvervangers vir onderskeidelik Matt Dobson en Ruan Snyman gekontrakteer.

Dobson, wat die afgelope paar seisoene Ryno Barnes se adjudant op haker was, het ’n kontrak losgeslaan om in Engeland te gaan klubrugby speel. Snyman, wat vir die Franse klub Racing Metro speel, is beseer en daar is twyfel oor sy deelname vir die Poubloues. Hy sou hom in Junie vir die Curriebeker-reeks by Griekwas aangemeld het, maar Meyer sal in sy plek op skrumskakel help diepte verskaf.

Bezuidenhout sal voorlangs die vuur help stook.

“Ons wag nog vir Matt Dobson om aan te dui waar hy gaan speel, maar ons het verneem hy is op pad oorsee. Ons is werklik bly om iemand van Martin Bezuidenhout se gehalte in sy plek te kontrakteer.

“Ruan se koms is 99% seker en ons het ’n mondelinge ooreenkoms dat hy hom wel tot ons gaan verbind. Ons wag net dat hy sy kontrak onderteken. “Albei behoort later in die week by ons aan te sluit,” het Griekwas se uitvoerende hoof, Arni van Rooyen, gister gesê.

Bezuidenhout, wat ook Super-rugby vir die Stormers gespeel het, sal met sy koms nie net goeie mededinging vir Simon West-raadt wees nie, maar Barnes ook op sy tone hou. Dieselfde geld Meyer wat met sy uithaler-spel beslis die ander skrumskakels in die groep, Dustin Jinka en Ntando Kebe, onder druk sal plaas.

Met hul aansluiting in die Diamantstad sal albei dadelik saam met hul nuwe spanmaats begin slyp en sal hulle ook die beplande toer na die Oos-Kaap onderneem.

Die Poubloues se Vodacombeker-afrigter, Peter Engledow, het die afgelope naweek in sy span se losmaker teen die Cheetahs se B-span op Shimlapark heelwat wys geword, maar hy sal Bezuidenhout en Meyer beslis die geleentheid gee om hulself te bewys.

Albei kan op die toer in die vriendskaplike wedstryd teen die OP-Kings kans kry om hul kleim in die beginspan af te steek.