01 Augustus 20:10
12°C / 18°C

Kaapstad Verander Area

Vandag


18°C / 12°C

Wind 7km/h


Reënval 0mm


Humiditeit 53%

Maandag


17°C / 13°C

Wind 33km/h


Reënval 0mm


Humiditeit 70%

Dinsdag


15°C / 13°C

Wind 41km/h


Reënval 17mm


Humiditeit 84%

Woensdag


15°C / 12°C

Wind 8km/h


Reënval 0mm


Humiditeit 76%

Donderdag


19°C / 11°C

Wind 7km/h


Reënval 0mm


Humiditeit 54%

Vrydag


20°C / 13°C

Wind 6km/h


Reënval 0mm


Humiditeit 52%

Nuus

NOP vorm grondslag van begrotingsrede

Deur Philda Essop Donderdag 27 Februarie 2014 05:11

KAAPSTAD. – Die Nasionale Ontwikkelingsplan (NOP) het gister die grondslag van Pravin Gordhan, minister van finansies, se begrotingsrede gevorm.

Hy het altesaam 14 keer in sy toespraak van 34 bladsye die woorde “Nasionale Ontwikkelingsplan” of “NOP” gebruik.

Die tyd het aangebreek vir ’n sterk visie soos in die NOP uiteengesit is. “Dit is tyd vir aksie en toepassing,” het hy gesê.

Ofskoon die nuwe regering ná die verkiesing planne vir die toepassing daarvan gaan bekend maak, het hy deurentyd daarna verwys.

Vennootskappe – ’n maatskaplike verdrag om armoede en ongelykheid te verminder – speel ’n belangrike rol in die NOP.

“Om vinnige vordering in werkskepping en armoedeverligting te maak, moet ons die ekonomie jaarliks teen 5% of meer laat groei. Om dít te bereik en om ’n groeikoers te skep wat inklusief is en vinnige swart ekonomiese ontwikkeling bevorder, is ’n wye reeks inisiatiewe op pad.”

Werkskepping is net so belangrik, het Gordhan gesê. Miljarde rande is bestee aan strategieë om werkskepping en ontwikkeling onder jeugdiges te bevorder.

Die NOP beklemtoon ook dat verbeterde onderwys uiters belangrik is vir Suid-Afrika. Daarom skenk die begroting “besondere voorkeur” daaraan.

Maatreëls om ekonomiese groei aan te spoor, word ook in die NOP uiteengesit. Meer inklusiewe groei word in die vooruitsig gestel, het Gordhan gesê.

Die regering is ook daartoe verbind om beleidsekerheid vir plaaslike en buitelandse beleggers te skep.

Suid-Afrika het ook goeie vordering gemaak met die NOP se doelwit dat tot 90% van landsburgers teen 2030 toegang tot finansiële dienste sal hê. Altesaam 79% van alle Suid-Afrikaners het in 2013 van gereguleerde finansiële dienste gebruik gemaak.