Kaapstad Verander Area

Vandag


25°C / 16°C

Wind 26km/h


Reënval 0.0mm


Humiditeit 65%

Vrydag


22°C / 15°C

Wind 20km/h


Reënval 0.0mm


Humiditeit 54%

Saterdag


23°C / 14°C

Wind 22km/h


Reënval 0.0mm


Humiditeit 52%

Sondag


23°C / 15°C

Wind 20km/h


Reënval 0.0mm


Humiditeit 57%

Maandag


25°C / 17°C

Wind 19km/h


Reënval 0.0mm


Humiditeit 62%

Dinsdag


24°C / 15°C

Wind 19km/h


Reënval 0.0mm


Humiditeit 56%

Nuus

Twee sinkgate val in op paaie

Deur Elise Tempelhoff Donderdag 27 Februarie 2014 10:43 nm.

Die sinkgat langs die R500 het ’n telefoonpaal feitlik heeltemal ingesluk. Foto: felix dlangamandla

Twee reuse-sinkgate het op paaie aan die Wes-Rand ingeval.

Een, langs en gedeeltelik onder die R500 tussen Carletonville en Randfontein, het die afgelope naweek ontstaan, het Wiekus Myburgh, bestuurder van nooddienste by die Westelike Distriksraad, gister gesê.

Dié pad is intussen vir verkeer gesluit en ’n ander roete oor ’n nabygeleë plaas in die omgewing is oopgestel.

Dié sinkgat het feitlik ’n hele telefoonpaal ingesluk. Na verneem word, is die sinkgat 17 m diep en 20 m in deursnee.

Die ander sinkgat het sowat tien dae gelede op ’n plaaspad in die omgewing van Tarlton ingeval. Volgens ’n wetstoepasser van die departement van omgewingsake is dié sinkgat sowat 30 m diep, 40 m lank en 60 m breed. Dit het ingeval op Greenway Farm, ’n plaas bo-op die Steenkoppies- dolomitiese kompartement.

’n Voorlopige ondersoek deur die Blou Skerpioene (die departement van waterwese se wetstoepassers) het gewys afloopwater is gekanaliseer en in ’n boorgat gepomp om te voorkom dat landerye verspoel.

’n Ondersoek sal moontlik ingestel word om vas te stel of die waterwet oortree is.

Die sinkgat het sowat 25 m van die naaste huis ingeval.

Verskeie krake in die omgewing van die sinkgat wys daarop dat nog gate hier kan inval.

Myburgh het gesê dit het die laaste tyd baie in die omgewing gereën en die gebied is geneig om sinkgate te vorm.

Garfield Krige, geoloog en waterwetenskaplike, het gesê die sinkgat by die R500 is vermoedelik veroorsaak deur ­reënwater wat oor etlike jare op die pad versamel het en stelselmatig deur die dolomitiese kors gevreet het.

Reën­water is suur, het hy gesê.

Vito Rugani, direkteur van Greenway Farms, kon nie vir kommentaar opgespoor word nie.