05 September 03:10
15°C / 21°C

Kaapstad Verander Area

Vandag


21°C / 15°C

Wind 9km/h


Reënval 0mm


Humiditeit 60%

Sondag


21°C / 14°C

Wind 38km/h


Reënval 0mm


Humiditeit 59%

Maandag


15°C / 13°C

Wind 15km/h


Reënval 8mm


Humiditeit 85%

Dinsdag


15°C / 12°C

Wind 14km/h


Reënval 0mm


Humiditeit 73%

Woensdag


15°C / 11°C

Wind 20km/h


Reënval 0mm


Humiditeit 81%

Donderdag


13°C / 10°C

Wind 47km/h


Reënval 7mm


Humiditeit 76%

Nuus

Verkiesing-spottery

‘DANC nét die regte party vir jou’

Doen moeite om teleur te stel

Deur Malherbe Nienaber Saterdag 05 April 2014 05:30

KAAPSTAD. – Wil jy stem vir ’n party met leë beloftes, wat niks gaan verander nie en wat die “amptelike opposisie” teen jou belange is?

Dan is die DANC net die regte “party” vir jou wanneer stemdag op 7 Mei aanbreek.

Dié denkbeeldige party spog ook met leiers soos Helen Zuma en Jacob Zille wat uit hul pad sal gaan om jou teleur te stel.

Dit is die grap wat die afgelope week op die internet en sosiale media die ronde gedoen het. Xcollektiv, ’n blog met satiriese kuns en politieke kommentaar, het dié “party” op sy blog en Facebook-blad bekend gestel.

Baniere is ook op die blog geplaas om stemme vir die DANC te werf. Dit bevat uitbeeldings van sy leiers, Helen Zuma en Jacob Zille, met hul gesigte wat met Photoshop saamgesmelt is.

“Jy sal teleurgesteld en ontevrede wees wanneer jy die PARTY verlaat,” lui die verklaring op Xcollektiv se blog.

Die DANC is glo op 7 Desember 2013 gestig toe ’n interne verkiesing gehou is om die president en sy adjunk vir die nuwe party te kies. Helen Zuma en Jacob Zille is vir die poste verkies, maar het nie self die geleentheid bygewoon nie, lui die verklaring.

Julius de Lille, leier van Patronizing-Propaganda-and-Regurgitated-Rhetoric (PPRR), het egter op bewerings oor “stemknoeiery” gesê dit maak nie saak wie die party se hoofkandidaat is nie.

“Ons het die regte ding gedoen en die kos was gratis,” het hy gesê.

“Al wat ek kan sê, is dat die mense weet daar word vir hulle gelieg, want ons is die enigste party wat erken dat ons lieg.”