Kaapstad Verander Area

Vandag


24°C / 14°C

Wind 14km/h


Reënval 0.0mm


Humiditeit 60%

Sondag


24°C / 13°C

Wind 26km/h


Reënval 0.1mm


Humiditeit 61%

Maandag


26°C / 13°C

Wind 18km/h


Reënval 0.0mm


Humiditeit 47%

Dinsdag


24°C / 13°C

Wind 16km/h


Reënval 0.0mm


Humiditeit 60%

Woensdag


20°C / 11°C

Wind 21km/h


Reënval 0.9mm


Humiditeit 60%

Donderdag


25°C / 11°C

Wind 16km/h


Reënval 0.0mm


Humiditeit 41%

Nuus

Sponssiekte eis 35 van grootste SA boer se 1 000 renosters

Deur Elise Tempelhoff Woensdag 23 April 2014 22:07

John Hume Foto: Albina Hume

John Hume, die land se grootste renosterboer, het die afgelope twee maande ’n ernstige terugslag beleef toe sponssiekte tussen sy sowat 1 000 renosters uitgebreek en 35 dood is.

Terry Bengis, Hume se woordvoerder, het gister gesê al die diere op die plaas Elandslaagte buite Klerksdorp moet nou teen die bakterie (Clostridium novyi) ingeënt word.

Dumisa Seshabela, woordvoerder van die Noordwes-departement van ekonomiese ontwikkeling, omgewing en bewaring, het gesê hulle het ’n waarskuwing oor die uitbreking van sponssiekte op Elandslaagte aan ander wildboere uitgestuur.

Volgens Bengis is daar tussen 20 en 25 variante van dié bakterie. Wetenskaplikes, waaronder veeartse van Onderstepoort, het die Elandslaagte-bakterie al geïsoleer en probeer nou ’n entstof daarteen ontwikkel.

“Ons beskou dit as baanbrekerswerk,” het Bengis gesê.

Die karkasse van al die renosters is verbrand om te voorkom dat dit verder onder die trop versprei.

Ekoloë met wie Beeld gepraat het, het gesê hulle meen die bakterie het ná die hewige reën die laaste tyd in Noordwes in die gras ontstaan waar die diere wei. Hulle meen ook die onnatuurlike omstandighede waaronder die diere aangehou word en dat daar meer as 1 000 is, het die verspreiding moontlik gemaak. Van hulle meen die drakrag van die plaas is oorskry.

Volgens Bengis het daar slym by die diere se neuse uitgeloop, hulle het vier dae later onvas op hul bene geraak en kort daarna dood neergeslaan.

Hume sal nou al sy oorblywende renosters moet verdoof en inent – sodra die entstof beskikbaar is.