04 Julie 21:00
11°C / 15°C

Kaapstad Verander Area

Vandag


15°C / 11°C

Wind 21km/h


Reënval 0mm


Humiditeit 81%

Maandag


16°C / 11°C

Wind 10km/h


Reënval 0mm


Humiditeit 78%

Dinsdag


18°C / 13°C

Wind 19km/h


Reënval 0mm


Humiditeit 67%

Woensdag


16°C / 13°C

Wind 18km/h


Reënval 0mm


Humiditeit 83%

Donderdag


16°C / 13°C

Wind 32km/h


Reënval 0mm


Humiditeit 82%

Vrydag


17°C / 12°C

Wind 6km/h


Reënval 0mm


Humiditeit 81%

Wetenskap

Joernalis kap VF+ oor evolusie-opmerking

Deur Reza van Rooyen Vrydag 22 Augustus 2014 02:49

“DIE Vryheidsfront Plus (VF+) se denke oor wetenskap dateer van die Middeleeue.”

Dít is die mening van George Claassen, ’n bekroonde wetenskapjoernalis en buitengewone professor in wetenskapjoernalistiek aan die Universiteit Stellenbosch (US), nadat dié party ’n beroep op Christenvroue gedoen het om te keer dat hul kinders “in die evolusie-geloof ingeboender word”.

Volgens Qume Erasmus, die VF+ se vroueaksievoorsitter in Gauteng, kan ouers nie skole en handboeke sonder voorbehoud vertrou nie.

“Byna elke vak, van gr. 1 tot gr. 12, bevat intense inhoud van evolusie, waar verwys word na byvoorbeeld ‘miljoene jare gelede’, ‘makro-evolusie’, ‘grotmense’, ‘vordering van die aap na die mens’ en die ‘Groot Knal’.

“Hierdie gif word vermeng met goeie, suiwer en akkurate wetenskaplike feite.

“So sal kinders begin glo dat hulle niks is nie – sonder enige doel en sonder enige verantwoordelikhede,” sê Erasmus in ’n mediaverklaring.

“Ons moet standpunt inneem en eis dat leuens uit ons skole en handboeke verwyder word,” sê sy.

Claassen meen egter dit is skrikwekkend om te verneem dat dié party nie ’n benul het van wat die evolusieteorie werklik beteken nie.

“Dit is nie ’n geloof nie, maar ’n wetenskaplike teorie wat oor meer as 150 jaar deeglik bewys is as geldige verduideliking hoe lewe op aarde ontwikkel het.”

Vir Claassen strek die belangrikheid van die konsep van evolusie veel verder as biologie en hy skaar hom by die vooraanstaande evolusiebioloog Ernst Mayr se siening in sy boek What evolution is.

“Evolusie is die belangrikste konsep in biologie. Daar is nie ’n enkele Hoekom?-vraag in biologie wat ordentlik beantwoord kan word sonder om evolusie te oorweeg nie. Die denke van moderne mense, of ons dit nou wil erken of nie, word radikaal beïnvloed deur evolusionêre denke.”