Kaapstad Verander Area

Vandag


22°C / 14°C

Wind 21km/h


Reënval 0.0mm


Humiditeit 54%

Saterdag


23°C / 14°C

Wind 21km/h


Reënval 0.0mm


Humiditeit 54%

Sondag


23°C / 15°C

Wind 19km/h


Reënval 0.0mm


Humiditeit 57%

Maandag


24°C / 16°C

Wind 19km/h


Reënval 0.1mm


Humiditeit 64%

Dinsdag


24°C / 13°C

Wind 16km/h


Reënval 0.0mm


Humiditeit 55%

Woensdag


23°C / 16°C

Wind 21km/h


Reënval 0.0mm


Humiditeit 57%

Sake

ONTWIKKELING

Ramaphosa: Beraad kom oor ekonomiese beleid

Sondag 19 Mei 2013 7:14 nm.

Cyril Ramaphosa

Die Nasionale Ontwikkelingsplan (NOP) moenie beskou word as ’n dokument wat in beton gegiet is nie. Dit werk nie in opposisie met ander regeringsplanne nie, het Cyril Ramaphosa, adjunkpresident van die ANC, gesê.

Ramaphosa, wat ook ondervoorsitter is van die Nasionale Beplanningskommissie, wat die NOP opgestel het, het by ’n kliëntesessie van die regsfirma Cliffe Dekker Hofmeyr gesê hy verwelkom debat oor die plan.

Skerp verskille tussen die NOP en ander regeringsbeleid het die afgelope tyd na vore gekom, soos die departement van energie wat aandring op ’n dringende besluit oor nuwe kernkragstasies, terwyl die NOP meen dis glad nie so dringend nie en te duur.

Ramaphosa het verwys na die National Union of Mineworkers se kritiek dat die plan nie radikaal genoeg is oor sake-eienaarskap nie, en die Suid-Afrikaanse Kommunistiese Party se kritiek dat staatsleiers eerder ’n sleutelrol in beplanning moet speel.

“ ’n Beraad oor ekonomiese beleid onder die ANC en sy alliansievennote sal binnekort gehou word om die NOP volledig te bespreek,” het Ramaphosa beloof.

Nelisiwe Magubane, direkteur-generaal van energie, het verlede week tydens haar departement se begrotingsrede in die parlement gesê die NOP is net ’n breë, langtermyn-plan wat ’n algemene rigting aandui.

Ramaphosa sê die NOP sluit ’n plan in om 11 miljoen werkgeleenthede teen 2030 te skep en om armoede te verlig. Dit mik daarna om staatsdepartemente doeltreffend te laat werk en korrupsie te bestry.

Die regering steun ’n gemengde ekonomie waarin die staat en private sektor elkeen sleutelrolle speel, sê hy.