05 September 16:15
15°C / 21°C

Kaapstad Verander Area

Vandag


21°C / 15°C

Wind 9km/h


Reënval 0mm


Humiditeit 60%

Sondag


21°C / 14°C

Wind 38km/h


Reënval 0mm


Humiditeit 59%

Maandag


15°C / 13°C

Wind 15km/h


Reënval 8mm


Humiditeit 85%

Dinsdag


15°C / 12°C

Wind 14km/h


Reënval 0mm


Humiditeit 73%

Woensdag


15°C / 11°C

Wind 20km/h


Reënval 0mm


Humiditeit 81%

Donderdag


13°C / 10°C

Wind 47km/h


Reënval 7mm


Humiditeit 76%

Sake

Liberty: Stewige groei in nuwe premies

Deur adri van zyl Sondag 19 Mei 2013 18:52

Die sakebedrywighede van Liberty Holdings het in die eerste drie maande van die jaar voortgebou op die fondamente wat in die vorige boekjaar gelê is.

In ’n handelsverklaring vir die drie maande tot einde Maart sê die groep die kleinhandelbedrywighede in Suid-Afrika het veral goed gevaar, terwyl die bedryfsvertoning van die res van die bedrywighede sterk was.

Nuwe sake in die lewensafdeling het met 17% toegeneem tot R1,5 miljard. Dit is veral te danke aan ’n styging van 7% in nuwe herhalende premies by sy Suid-Afrikaanse bedrywighede en verkope van kredietlewensversekering.

Die beleggingsportefeulje van aandeelhouers is bevoordeel deur die styging op die markte en die opbrengs was beter as die teiken wat dié afdeling vir homself gestel het.

By die afdeling vir werknemervoordele het nuwe sake met 57% toegeneem tot R166 miljoen danksy ’n toename van 65% in nuwe herhalende premiesake.

Dié afdeling is op koers om verder te groei en onttrekkings is beperk tot R168 miljoen vergeleke met R488 miljoen in die vergelykende tydperk.

Die bates onder bestuur van die portefeuljebestuursafdeling Stanlib het met 1% toegeneem tot R469 miljard nadat nuwe beleggings met R5,4 miljard gegroei het. Die totale bates onder bestuur het ook baat gevind by die styging van die markte.

By sy bedrywighede in die res van Afrika het die groep se versekeringsbedrywighede vrugte gedra. Nuwe lewensbedrywighede het met 6% gestyg en die verhouding van eise tot premies in die korttermynversekeringsafdeling het verbeter.

Die twee nuwe afdelings in die groep, gesondheidsorg en regstreekse versekering, het in die oorsigtydperk belowend gegroei. 

Die gewildste berigte tans op Sake24.com :