Kaapstad Verander Area

Vandag


25°C / 17°C

Wind 33km/h


Reënval 0.0mm


Humiditeit 60%

Dinsdag


29°C / 17°C

Wind 25km/h


Reënval 0.0mm


Humiditeit 45%

Woensdag


22°C / 16°C

Wind 39km/h


Reënval 12.0mm


Humiditeit 76%

Donderdag


23°C / 16°C

Wind 23km/h


Reënval 1.8mm


Humiditeit 66%

Vrydag


22°C / 15°C

Wind 32km/h


Reënval 0.0mm


Humiditeit 63%

Saterdag


25°C / 16°C

Wind 27km/h


Reënval 0.0mm


Humiditeit 52%

Sake

BELEGGINGS

Waar daar ’n rokie is, kyk ’n slim belegger

Hou egter wisselvalligheid en gedempte markte dop

Deur Shaun van den Berg, Tegniese Siening Vrydag 28 Junie 2013 9:16 nm.

Waar daar ’n rokie is, is daar ’n vuurtjie. Vir Jan en alleman beteken dié gesegde dat as iets verdag lyk, ís daar waarskynlik iets verkeerd.

Vir die slim beleggers op die JSE kan dit egter ’n heeltemal ander betekenis hê: Daar is dalk ’n geleentheid wat benut kan word en wat verder ondersoek moet word.

Een van die maniere om toekomstige prysbewegings op te tel, is om te kyk na die volumeverhandeling van ’n aandeel – met ander woorde hoeveel aandele op ’n slag verhandel word.

Die ideale situasie is wanneer ’n aandeel gaandeweg geakkumuleer word sonder dat die aandeelprys die hoogte in skiet. Dit is hier waar die slim belegger, of clever money, na vore tree in die hoop dat die res van die mark dit die een of ander tyd gaan opmerk en die aandeelprys sodoende gaan styg.

Twee van die aandele waar daar tans ’n rokie te bespeur is, is Omnia (JSE: OMN) en Grindrod (JSE: GND).

Omnia is ’n gediversifiseerde en spesialis- chemiese maatskappy wat in die landbou-, mynbou- en chemiese sektor betrokke is.

Die groep se aandeel verhandel reeds sedert middel 2011 in ’n nou opwaartse kanaal met verhandeling bo sy 50-dae- en 200-dae- bewegende gemiddeldes.

Die langtermyn-tendens vertoon deurgaans bulagtig.

Die volume-prys-tendens (VPT), ’n aanwyser wat die verhouding tussen die volume van ’n aandeel en die beweging in sy prys aandui, dui tans daarop dat akkumulasie van die aandeel plaasvind. Die moontlikheid bestaan dus dat die vorige rekordsluitingsvlak van R175 selfs oortref kan word.

Die groep het onlangs in ’n handelsverslag gesê dat ’n wesensverdienste per aandeel van tussen R13,10 en R13,40 – ’n styging van onderskeidelik 36% en 40% teenoor die vorige jaar se wesensverdienste per aandeel van 958,6c – vanjaar verwag kan word.

Die aandeel verhandel teen ’n bewegende prys-verdienste-veelvoud (p/v) van 12,3 en 2,3 keer sy netto batewaarde. Die aandeel blyk billik gewaardeer te wees. Beleggers moet liefs nog hulle aandele hou.

Grindrod is hoofsaaklik by skeepsdienste en handelsbedrywighede betrokke, asook in vragvervoer en finansiële dienste, wat bedryfs- en bemarkingsinergieë sowel plaaslik as internasionaal aan die groep bied.

Sy aandeelprys het reeds ’n weerstandsvlak by R21,46 getoets, wat terselfdertyd ’n rekordvlak vir die aandeel is. Die langtermyn-tendens bly bulagtig, met die VPT-aanwyser wat steeds op volume-akkumulasie teen hierdie vlakke dui.

Die aandeel verhandel tans teen ’n p/v van 15,7 en teen ’n premie van 30% teenoor sy tasbare netto batewaarde. Aanduidings is dat ook Grindrod tans billik gewaardeer is en dat aandeelhouers nog hul aandele kan hou.

Daar is ook ’n gesegde dat as daar ’n geritsel tussen die blare is, kan dit ’n slang wees. Beleggers moet kennis neem van die huidige wisselvalligheid in die internasionale markte, asook die gedempte handelstoestande. Ondanks waar die rokies is, moet beleggers onder sulke omstandighede omsigtigheid aan die dag lê.

* Shaun van den Berg is die hoof- tegniese ontleder by PSG Online.

Die webwerf www.sake24.com bly jou gratis portaal tot nuus en markinligting. Ander lesers het gehou van: