Kaapstad Verander Area

Vandag


27°C / 16°C

Wind 34km/h


Reënval 0.0mm


Humiditeit 45%

Saterdag


31°C / 16°C

Wind 34km/h


Reënval 0.0mm


Humiditeit 43%

Sondag


30°C / 17°C

Wind 39km/h


Reënval 0.0mm


Humiditeit 45%

Maandag


32°C / 16°C

Wind 25km/h


Reënval 0.0mm


Humiditeit 25%

Dinsdag


33°C / 19°C

Wind 19km/h


Reënval 0.0mm


Humiditeit 25%

Woensdag


28°C / 18°C

Wind 18km/h


Reënval 0.1mm


Humiditeit 48%

Sake

JSE daal effens, maar ontleders is nie verbaas

Deur Mari Blumenthal, I-Net Bridge Vrydag 19 Julie 2013 21:38

Pretoria. – Winsneming en swakker groeivooruitsigte vir Suid-Afrika het die JSE gister in die rooi gehou.

Die JSE se indeks van alle aandele het 1,45% laer gesluit op 40 549 punte. Die nywerheidsindeks het die hardste pak slae gekry en 1,76% verloor. Die finansiële en die hulpbronindeks het onderskeidelik 1,48% en 1,24% laer gesluit.

“Ons sien nou normale wisselvalligheid en konsolidasie in die mark wat nie verbasend is nadat dit die afgelope ruk stewig geklim het nie,” sê Ferdi Heyneke, portefeuljebestuurder by Afrifocus.

Viv Govender, ontleder by Vunani Private Clients, sê plaaslike marksentiment is ook geknou nadat die Reserwebank Donderdag sy groeivooruitsigte vir Suid-Afrika tot net 2% verlaag het.

Die rand het gisteraand vroeg teen R9,86 teenoor die dollar verhandel nadat dit vroeër in die dag tot R9,93 teruggesak het.

Theuns de Wet, hoof van navorsing van Rand Merchant Bank, sê dit lyk of die rand nou in ’n band tussen R9,80 en R10,00 verhandel.

De Wet sê marksentiment het vandeesweek verbeter nadat dr. Ben Bernanke, president van die Amerikaanse Federale Reserweraad (Fed), markte verseker het dat hy nie sommer binnekort die Fed se aankope van staatseffekte sal begin verminder nie.

Bernanke het gesê dit is “steeds heeltemal te vroeg” om te besluit of die Fed in September sy aankope moet begin afskaal, berig Bloomberg.

“Ná twee dae se verslagdoening voor die Amerikaanse kongres lyk dit of Bernanke dit reggekry het om markte te kalmeer,” sê De Wet.

De Wet sê die wyse waarop die opbrengskoers op Amerikaanse staatseffekte gestabiliseer het, toon ook dat Bernanke beleggers vir eers gerus gestel het.

Besoek www.sake24.com  vir gratis sakenuus en vars markinligting.