28 Julie 05:29
11°C / 14°C

Kaapstad Verander Area

Vandag


14°C / 11°C

Wind 24km/h


Reënval 0mm


Humiditeit 76%

Woensdag


12°C / 10°C

Wind 42km/h


Reënval 4mm


Humiditeit 86%

Donderdag


13°C / 10°C

Wind 24km/h


Reënval 26mm


Humiditeit 72%

Vrydag


12°C / 9°C

Wind 10km/h


Reënval 0mm


Humiditeit 63%

Saterdag


17°C / 9°C

Wind 7km/h


Reënval 0mm


Humiditeit 53%

Sondag


17°C / 13°C

Wind 39km/h


Reënval 0mm


Humiditeit 64%

Sake

Beurs boelie Massmart ná nuus oor laer wins

Deur bloomberg Woensdag 14 Augustus 2013 15:43

Massmart se aandeelprys het Woensdag tot die laagste vlak in byna twee jaar geval ná gister se aankondiging dat sy halfjaarwins minder gaan wees.

Die aandeel het in ’n stadium op R146 verhandel, die laagste vlak sedert Oktober 2011. Sedertdien het dit effens herstel en teen 15:30 was die aandeelprys R152,30, sowat 4,57% minder as sy openingsprys. Dinsdag het die aandeel ook met 2,7% geval.

Sowat 823 000 aandele is al vandag verhandel – meer as dubbel die daaglikse gemiddelde oor drie maande.

Massmart het Dinsdag aangekondig dat sy verdienste per aandeel, uitgesluit eenmalige items en vauluta-voordele, met 3,9% gedaal het tot 25% vir die 26 weke tot 23 Junie. Die maatskappy het geen rede verskaf nie.

Massmart besit onder meer Makro, Game en Builders Warehouse.

Wal-Mart Stores, die moedermaatskappy van die Walmart-kettingwinkel van Amerika, het in Augustus 2011 ’n 51%-belang in Massmart bekom.

“Die aandeel is geprys asof towerkrag sou kom uit die Wal-Mart-transaksie en dit het nog nie gebeur nie,” het David Shapiro van Sasfin Securities in Johannesburg gesê. “Daar’s nog weinig aanduiding dat die Wal-Mart-strategieë binnekort in werking gaan tree.

Die maatskappy se volledige halfjaarresultate word op 22 Augustus aangekondig.