03 Julie 08:12
11°C / 16°C

Kaapstad Verander Area

Vandag


16°C / 11°C

Wind 14km/h


Reënval 0mm


Humiditeit 80%

Saterdag


16°C / 11°C

Wind 12km/h


Reënval 0mm


Humiditeit 81%

Sondag


14°C / 12°C

Wind 20km/h


Reënval 0mm


Humiditeit 84%

Maandag


15°C / 11°C

Wind 9km/h


Reënval 0mm


Humiditeit 83%

Dinsdag


17°C / 14°C

Wind 24km/h


Reënval 0mm


Humiditeit 74%

Woensdag


17°C / 13°C

Wind 14km/h


Reënval 0mm


Humiditeit 83%

Sake

Kleinhandelverkope groei met slakkegang

Deur bloomberg, reuters Woensdag 14 Augustus 2013 14:22

Die winkeltrollies word leër soos inflasie en lae inkomstegroei verbruikers knel. Foto: Reuters

Kleinhandelverkope het in Junie met ’n slakkegang gegroei – ’n teken dat verbruikers onder groot druk is.

Verkope was net 1,9% meer op ’n jaargrondslag, vergeleke met die 6%-styging in Mei, volgens inligting op die webwerf van Statistieke Suid-Afrika (SSA).

Dit voorspel niks goeds vir die land se ekonomiese groei nie, aangesien kleinhandel ’n groot persentasie van die bruto binnelandse produk verteenwoordig.

Van Mei tot Junie het die verkope stabiel gebly en op ’n driemaande-grondslag (April, Mei en Junie) het verkope met 3,3% gestyg vergeleke met dieselfde tyd die vorige jaar.

Minder ongesekureerde krediet word toegestaan en dít, tesame met die hoë inflasiekoers (dis tans 5,9%), “ondergrawe werklike lone”, sê Elna Moolman van Macquarie.

“Weens China se verlangsaming en die verlies aan plaaslike momentum, is die kans op groei van minder as 2% vir die jaar nou betreklik hoog.”

Die Reserwebank het sy vooruitsig vir ekonomiese groei vir vanjaar in Julie verlaag tot 2% weens toenemende inflasiedruk, wat verbruikersbesteding inperk. Aangesien inflasie aan die bopunt van die teikenband van tussen 3% en 6% bly, het die sentrale bank besluit om die rentekoers op 5% te hou; die laagste vlak in meer as 30 jaar.

Die stadige groei in die wêreldekonomie bevorder ook nie juis plaaslike groei nie, maar dinge kan in die tweede kwartaal beter lyk, sê die adjunkpres van die Reserwebank, Daniel Mminele.

Die bruto binnelandse produk het in die eerste kwartaal met net 0,9% op ’n jaargrondslag gegroei, die stadigste sedert die 2009-resessie.

SSA sal die tweede kwartaal se groeisyfers op 27 Augustus uitreik.