23 Mei 13:53
12°C / 20°C

Kaapstad Verander Area

Vandag


20°C / 12°C

Wind 10km/h


Reënval 0.3mm


Humiditeit 79%

Sondag


20°C / 10°C

Wind 15km/h


Reënval 0.4mm


Humiditeit 85%

Maandag


20°C / 11°C

Wind 12km/h


Reënval 0.0mm


Humiditeit 54%

Dinsdag


22°C / 11°C

Wind 12km/h


Reënval 0.0mm


Humiditeit 66%

Woensdag


22°C / 12°C

Wind 13km/h


Reënval 0.0mm


Humiditeit 70%

Donderdag


21°C / 13°C

Wind 19km/h


Reënval 0.0mm


Humiditeit 64%

Sake

Lonmin erken Amcu op vooraand van Marikana-herdenking

Deur sapa Woensdag 14 Augustus 2013 16:40

Lonmin en Amcu het Woensdag ’n bindende ooreenkoms onderteken wat die vakbond se status as meerderheidsvakbond by die platinumgroep erken.

Ben Magara, uitvoerende hoof van Lonmin, het die ooreenkoms as “uitstekende nuus vir Lonmin, ons werknemers en al ons belanghebbendes” beskryf.

Joseph Mathunjwa, Amcu-president, het klem gelê op samewerking, waarsonder albei partye “verloorders” sou wees. “As leiers moet ons ’n manier vind om in vrede en stabiliteit vorentoe te beweeg.”

Hy het Amcu-lede vir hul geduld bedank. Die proses het geruime tyd geduur.

Albei het gesê dit was belangrik dat die ooreenkoms onderteken word op die vooraand van die herdenking van die Marikana-slagting. Altesame 34 mense is op 16 Augustus 2012 naby Lonmin se Marikana-myn in Rustenburg dood toe die polisie op stakende mynwerkers losgebrand het. Die Farlam-kommissie ondersoek nog dié voorval.

Nóg minstens tien mense, onder hulle twee polisielede en twee veiligheidswagte, is in stakingsverwante geweld in voorafgaande week dood.

Werkers het ’n seremonie vir Vrydag beplan om die gebeure te gedenk, maar daar is ooreengekom dat dit sal tel as ’n onbetaalde werkdag.

Magara het dit as ’n “gesamentlike opoffering” bestempel – die maatskappy boet produksie in en die werkers hul loon. “Vir albei is dit die opoffering werd.”

* Net die afgelope week is ’n verteenwoordiger van die National Union of Mineworkers, Amcu se opponerende vakbond, by ’n Marikana-mynskag doodgeskiet.