04 September 23:03
15°C / 21°C

Kaapstad Verander Area

Vandag


21°C / 15°C

Wind 9km/h


Reënval 0mm


Humiditeit 60%

Sondag


21°C / 14°C

Wind 38km/h


Reënval 0mm


Humiditeit 59%

Maandag


15°C / 13°C

Wind 15km/h


Reënval 8mm


Humiditeit 85%

Dinsdag


15°C / 12°C

Wind 14km/h


Reënval 0mm


Humiditeit 73%

Woensdag


15°C / 11°C

Wind 20km/h


Reënval 0mm


Humiditeit 81%

Donderdag


13°C / 10°C

Wind 47km/h


Reënval 7mm


Humiditeit 76%

Sake

NUM boikot herdenking van Marikana-slagting

Deur sapa Donderdag 15 Augustus 2013 16:44

Die National Union of Mineworkers (NUM) gaan Vrydag die Marikana-herdenkings boikot omdat dit “gekaap” is deur die “sogenaamde Marikana-ondersteuningsgroep”.

Daar was vroeër “konsensus” tussen die vakbonde NUM, Amcu, Solidariteit en Uasa, asook mynmaatskappye, dat adj.pres. Kgalema Motlanthe die herdenking sou organiseer, het Lesiba Seshoka, NUM-woordvoerder, Donderdagmiddag in ’n verklaring gesê.

“Die organisering van dié herdenkings is sedertdien gekaap deur die sogenaamde Marikana-ondersteuningsgroep en die program is slegs met opposisiepartye gevul.”

Die herdenking van die dood van 44 mense in gewelddadige stakings verlede jaar by Lonmin se Marikana-myn word Vrydagmiddag gehou. Onder die slagoffers was 34 mynwerkers wat op 16 Augustus 2012 dood is toe die polisie op hulle losgebrand het, 'n voorval wat nog deur die Farlam-kommissie ondersoek word. In die voorafgaande week is nog tien mense, onder meer twee polisielede en twee veiligheidswagte, vermoor.

Seshoka sê die goeie bedoelinge van Joseph Mathunjwa, Amcu-president, is “verduister” deur wat hy as die “eensydige kaping” van die herdenking beskryf.

Die NUM het aanvanklik die uitnodiging verwelkom wat Mathunjwa aan Senzeni Zokwana, NUM-president, gerig het, naamlik dat die twee vakbondpresidente die verhoog deel.

Intussen het Lonmin en Amcu Dinsdag ’n erkenningsooreenkoms onderteken wat van Amcu die enigste erkende vakbond maak.

Die Marikana-geweld is aangeblaas deur die twis tussen die twee vakbonde. Die NUM was vroeër die meerderheidsvakbond.

Seshoka het gesê die NUM sal nie sy eie herdenkings organiseer nie aangesien dit moonlik spanning sal aanblaas.

Op Dinsdag se perskonferensie was dit duidelik dat werkers Amcu, die Suid-Afrikaanse Raad van Kerke en die Marikana-ondersteuningsgroep gevra het om die geleentheid te organiseer.