31 Augustus 12:50
14°C / 15°C

Kaapstad Verander Area

Vandag


15°C / 14°C

Wind 41km/h


Reënval 11mm


Humiditeit 89%

Dinsdag


16°C / 13°C

Wind 36km/h


Reënval 0mm


Humiditeit 73%

Woensdag


17°C / 12°C

Wind 20km/h


Reënval 0mm


Humiditeit 70%

Donderdag


19°C / 12°C

Wind 19km/h


Reënval 0mm


Humiditeit 64%

Vrydag


19°C / 13°C

Wind 12km/h


Reënval 0mm


Humiditeit 61%

Saterdag


22°C / 14°C

Wind 16km/h


Reënval 0mm


Humiditeit 51%

Sake

Ryanair-vlieënier kry trekpas ná TV-program

Deur bloomberg Donderdag 15 Augustus 2013 13:27

Die Ierse lugdiens Ryanair het een van sy vlieëniers, kapt. John Goss, afgedank en beplan om regstappe te doen nadat Goss op ’n Britse televisieprogram verskyn het wat die lugdiens se veiligheid bevraagteken het.

“Ons sal nie toelaat dat ’n Ryanair- werknemer op nasionale televisie ons naam swartsmeer nie,” het die lugdiens in ’n verklaring gesê. Goss het skriftelik op 10 Julie en 13 Augustus verklaar dat hy nie bekommerd is oor die lugdiens se veiligheid nie.

Vlieëniers is egter versigtig om kommer te wek en word aangeraai om so min moontlik brandstof te vervoer, luidens Channel 4 se program Dispatches. Die program het ’n peiling onder die Ryanair-vlieëniersgroep, wat sowat die helfte van die lugdiens se vlieëniers verteenwoordig, gedoen.

Die brandstofkwessie is geopper nadat drie vliegtuie verlede jaar noodoproepe gedoen het voordat hulle in Valencia, Spanje, geland het. Die Ierse burgerlugvaartowerheid sê egter hulle het veilig geland en aan Europese regulasies voldoen.

Goss was een van vyf vlieëniers wat in Junie verkies is tot die tussentydse raad van die vlieëniersgroep. Die groep sê hy sal regsadvies inwin voordat hy ’n verklaring uitreik.

Michael O’Leary, uitvoerende hoof van Ryanair, sê die lugdiens moedig nie bemanningslede aan om met die minimum brandstof te vlieg nie en die meeste vliegtuie het meer as die vereiste hoeveelheid brandstof. Brandstofnoodgevalle word verklaar wanneer die vlieënier die verpligte 30-minute-reserwe nader.