01 September 16:09
12°C / 16°C

Kaapstad Verander Area

Vandag


16°C / 12°C

Wind 29km/h


Reënval 0mm


Humiditeit 67%

Donderdag


18°C / 12°C

Wind 10km/h


Reënval 0mm


Humiditeit 65%

Vrydag


20°C / 14°C

Wind 10km/h


Reënval 0mm


Humiditeit 59%

Saterdag


22°C / 15°C

Wind 15km/h


Reënval 0mm


Humiditeit 55%

Sondag


21°C / 16°C

Wind 31km/h


Reënval 0mm


Humiditeit 66%

Maandag


16°C / 14°C

Wind 41km/h


Reënval 5mm


Humiditeit 91%

Sake

G'n end in sig vir konstruksie-staking

Deur sapa Maandag 02 September 2013 09:42

Die staking in die konstruksiesektor duur voort nadat die bedryf se aangepaste loonaanbod Vrydag verwerp is.

Volgens Lesiba Seshoka, woordvoerder van die National Union of Mineworkers (NUM), wat die sowat 90 000 stakende konstruksiewerkers verteenwoordig, is daar “geen end in sig nie – die staking duur voort totdat die werkgewers ons eise toestaan”.

“Ons het aan hulle gesê hulle moet ons eise oor die minimum pakket hanteer en nie vir ons ’n verhoging van R400 aanbied nie; ons sal dit nie toelaat nie.”

Die bedryfsliggaam wat werkgewers verteenwoordig, die federasie van siviele ingenieurskontrakteurs (Safcec), het Vrydag ’n 10%-verhoging vir werkers in die laagste vier kategorieë ter tafel gelê en ’n 8%-verhoging vir werkers in kategorie vyf tot nege.

“Die 10% kom neer op ’n R400-verhoging vir dié werkers en die 8% is R300 vir daardie werkers. Ons het dit duidelik gemaak dat die minimum ’n pakket van R5 500 vir die laags betaalde werkers moet wees,” het Seshoka gesê.

Safcec bestempel die NUM se eise as onvolhoubaar. “Die laaste formele eise wat van die NUM ontvang is, was ’n eis vir ’n 40%-verhoging,” volgens Annemie Cowley, Safcec-woordvoerder.

Werkgewers het aanvanklik ’n 6%-verhoging vir 2013 en ’n inflasie-gekoppelde verhoging vir 2014 voorgestel.