01 Augustus 09:47
10°C / 16°C

Kaapstad Verander Area

Vandag


16°C / 10°C

Wind 9km/h


Reënval 0mm


Humiditeit 61%

Sondag


18°C / 12°C

Wind 6km/h


Reënval 0mm


Humiditeit 54%

Maandag


17°C / 13°C

Wind 34km/h


Reënval 0mm


Humiditeit 71%

Dinsdag


15°C / 13°C

Wind 41km/h


Reënval 15mm


Humiditeit 83%

Woensdag


15°C / 12°C

Wind 8km/h


Reënval 0mm


Humiditeit 70%

Donderdag


19°C / 11°C

Wind 7km/h


Reënval 0mm


Humiditeit 48%

Sake

Myngroep in sop oor besoedeling in Vaalrivier

Deur bloomberg Maandag 02 September 2013 16:23

AngloGold Ashanti het Maandag gesê giftige afvalstowwe het verlede week uitgelek en 1,6 km van ’n sytak van die Vaalrivier besoedel.

Dis die tweede storting in vyf maande van sy eenheid Mine Waste Solutions (MWS).

“Ons het ’n reaksiespan aangestel, wat interne en derdeparty-spesialiste insluit, om die uitwerking te monitor en te verlig,”  het Afrika se grootste goudprodusent gesê.

Bedrywighede by MWS is onmiddellik gestaak, keerwalle is opgerig en die foutiewe boute in die pypleiding wat tot die storting aanleiding gegee het, is vervang en gesweis.

Die lekkasie in die Koekemoer-spruit, sowat 160 km suidwes van Johannesburg, is naby die storting by Hartebeestfontein in April.

AngloGold het MWS verlede jaar vir $535 miljoen van First Uranium aangeskaf. MWS spesialiseer in die herwinning van yster en uraan uit mynafval.

In 2012 was die maatskappy vir 15 “omgewingsvoorvalle” verantwoordelik in die 10 lande waarin hy werksaam is – 7 daarvan in Suid-Afrika.

Die gifstowwe wat uitgelek het, kan diere en plante "benadeel", maar is nie giftig vir mense nie, het die maatskappy gesê.