02 Augustus 14:21
13°C / 19°C

Kaapstad Verander Area

Vandag


19°C / 13°C

Wind 7km/h


Reënval 0mm


Humiditeit 49%

Maandag


17°C / 13°C

Wind 38km/h


Reënval 0mm


Humiditeit 71%

Dinsdag


16°C / 13°C

Wind 34km/h


Reënval 9mm


Humiditeit 82%

Woensdag


16°C / 12°C

Wind 11km/h


Reënval 0mm


Humiditeit 65%

Donderdag


19°C / 12°C

Wind 6km/h


Reënval 0mm


Humiditeit 55%

Vrydag


18°C / 12°C

Wind 8km/h


Reënval 0mm


Humiditeit 61%

Sake

Slimfoongroep se werkers vas oor handelsgeheime

Deur bloomberg Maandag 02 September 2013 13:32

Die HTC One, waarmee die Taiwannese groep vanjaar probeer het om markaandeel terug te wen.

Die Taiwannese slimfoongroep HTC het werknemers – onder hulle ’n visepresident – daarvan aangekla dat hulle sy handelsgeheime uitgelap het.

Vyf mense, onder meer vier “sleutel-werknemers” in HTC se afdeling vir navorsing en ontwikkeling, is deur die land se buro van ondersoek, ’n afdeling van die ministerie van justisie, ondervra. Twee word aangehou en die res is op borgtog vrygelaat.

HTC is deesdae een van die kleiner slimfoonvervaardigers, maar was die heel eerste wat Google se Android-sagteware gebruik het in sy HTC Dream. Hy was ook een van die eerstes wat raakskerms bekend gestel het – reeds in 1998. Sy HTC One-slimfoon is vroeër vanjaar bekend gestel.

HTC het vyf jaar gelede byna ’n kwart van die slimfoonmark beheer, maar dit het sedertdien tot minder as 9% getuimel. In Amerika was hy nietemin nog in die derde posisie met ’n markaandeel van 9,4% – naas Apple (40% van die slimfoonmark) en Samsung (24,7%).

Die groep se aandeelprys in Taipei, Taiwan, het ná die nuus met tot 6,7% getuimel, wat beteken hy het sedert 2011 reeds 88% van sy markwaarde verloor.

Die groep het aangedui die ondersoek sal nie die bekendstelling van sy nuwe produkte vertraag nie.