30 Augustus 21:57
14°C / 14°C

Kaapstad Verander Area

Vandag


14°C / 14°C

Wind 46km/h


Reënval 9mm


Humiditeit 90%

Dinsdag


16°C / 14°C

Wind 39km/h


Reënval 0mm


Humiditeit 74%

Woensdag


17°C / 12°C

Wind 24km/h


Reënval 0mm


Humiditeit 70%

Donderdag


19°C / 12°C

Wind 17km/h


Reënval 0mm


Humiditeit 63%

Vrydag


19°C / 13°C

Wind 12km/h


Reënval 0mm


Humiditeit 61%

Saterdag


22°C / 15°C

Wind 15km/h


Reënval 0mm


Humiditeit 49%

Sport

Bulle se seisoen begin nóú eers

Deur Marco Botha Sondag 19 Mei 2013 22:29

PRETORIA. – Ná gerugte van ’n groter taaltwis in Durban as op Stellenbosch het die Haaie hulself Vrydagoggend ruk-ruk, maar stuk vir stuk teen die Force reggeruk.

En dít is teen daardie einste span dat die Bulle hul Superrugby-veldtog vandeesweek in Durban voortsit.

Die Ligbloues is tweede op die algehele puntelys, en nadat hulle ook ’n moeilike Australasiese toer gehad het, het hulle Saterdag teen die Highlanders ’n vyfde agtereenvolgende sege behaal.

Maar nou wag daar vyf agtereenvolgende plaaslike derbies op die Bulle. En hoewel hulle ’n stewige puntebuffer boaan die Suid-Afrikaanse puntelys het, gaan dit bloedsweet verg om aan die einde van die ligarondes steeds daar te wees.

En dis ’n belangrike plek op die lys. Want die top 2-spanne kwalifiseer vir ’n tuis-halfeindstryd, terwyl spanne 3 tot 6 in die kwarteindronde wens hulle het maar onder die twee voorstes getel.

Die stryd is dus yslik. En nog lank nie gewonne nie.

“Of die Haaie nou die naweek gewen of verloor het, bly Durban ’n baie moeilike plek om te speel,” het Pierre Spies Saterdag ná sy 100ste Super-stryd gesê.

“Hulle het nou hierdie sege oor die Force gekry, en dit sal hulle baie vertroue gee – veral ná die moeilike week wat hulle gehad het. Hulle sal hul veldtog in Durban op dreef wil kry,” het die Bul-kaptein gesê.

Dis onwaarskynlik maar nie onmoontlik vir die Haaie om soos verlede jaar hier uit die niet vir die uitspeelrondes te kwalifiseer nie. Daar is dus vir hulle baie op die spel, en die Durbaniete is meer kaas as dikmelk wanneer hulle tuis speel.

Sedert Frans Ludeke die Bulle se leisels in 2008 oorgevat het, het sy span wel twee van hul drie Super-wedstryde in Durban gewen. En tog is die uitdaging wat nou op hulle wag heelwat anders as dit wat hulle in onlangse weke oorkom het.

Hul laaste drie wedstryde was teen die Waratahs, Hurricanes en Highlanders. Die Aussies het in lynstane pak gekry, en die Kiwi-spanne het daardie sterkpunt van die Bulle daarom probeer vermy en toe op die grond slae gekry.

Maar nou het die Bulle te kampe met ’n span wat in albei daardie fasette goed is. Met ’n ligaprogram wat nog insluit die Haaie, Cheetahs, weer die Haaie, Kings en dan die Stormers het die Bulle se seisoen perdalks nou eers in alle erns begin . . .