03 September 19:12
13°C / 19°C

Kaapstad Verander Area

Vandag


19°C / 13°C

Wind 11km/h


Reënval 0mm


Humiditeit 64%

Saterdag


21°C / 15°C

Wind 9km/h


Reënval 0mm


Humiditeit 62%

Sondag


22°C / 15°C

Wind 30km/h


Reënval 0mm


Humiditeit 63%

Maandag


15°C / 13°C

Wind 29km/h


Reënval 0mm


Humiditeit 86%

Dinsdag


14°C / 12°C

Wind 29km/h


Reënval 0mm


Humiditeit 71%

Woensdag


13°C / 11°C

Wind 31km/h


Reënval 14mm


Humiditeit 89%

Sport

Doelvraat Sulette nie in Protea-groep

Deur Marizanne Kok Donderdag 30 Mei 2013 21:32

JOHANNESBURG. – Die Suid-Afrikaanse vroue-hokkiespan sal aanstaande maand een van sy grootste uitdagings van die jaar sonder een van sy vernaamste angels aandurf.

Die kragtige Potchefstroomse speler Sulette Damons tel nie onder die 18 vroue wat in Junie in Brittanje gaan toer nie, omdat sy volgens Fabian Gregory (hulpafrigter) studieverpligtinge het.

Damons se vaart en kreatiwiteit op die aanval het haar die afgelope drie seisoene een van die staatmakers in die Proteas-groep gemaak. Haar afwesigheid is ’n groot slag, maar gelukkig geen doodskoot vir die Proteas se aspirasies in aanstaande maand se Wêreldliga-halfeindronde nie.

Die Suid-Afrikaners sal in dié toernooi te staan kom teen gevaarlike spanne soos Australië, Argentinië en Engeland, maar het op papier genoeg dinamiet vir dié ysters.

Die skerpste pyl in die koker is die veteraan Pietie Coetzee, wat spog met 262 internasionale doele in soveel toetse. Bernie Coston, Tarryn Bright en Dirkie Chamberlain het ook tot dusver dié seisoen die doele laat inrol en sal hopelik in Brittanje daarop voortbou.

Die Proteas sal tydens hul ekskursie in Skotland en Engeland in aksie wees in toetse teen Ierland (11 Junie), Skotland (13, 15 en 16 Junie) en moontlik Argentinië, voordat hulle op 22 Junie met hul aanslag in die halfeindronde van die Wêreldliga begin.

* Die Proteas se groep is: Sanani Mangisa, Phume Mbande, Lenise Marais, Marcelle Keet, Nicolene Terblanche, Illse Davids, Shelley Russell, Tarryn Bright, Pietie Coetzee, Quanita Bobbs, Bernie Coston, Dirkie Chamberlain, Jade Mayne, Tanya Britz, Lilian du Plessis, Izelle Lategan, Kelly Madsen, Marsha Marescia.