Kaapstad Verander Area

Vandag


26°C / 17°C

Wind 37km/h


Reënval 0.0mm


Humiditeit 52%

Woensdag


32°C / 18°C

Wind 28km/h


Reënval 0.0mm


Humiditeit 38%

Donderdag


34°C / 17°C

Wind 19km/h


Reënval 0.0mm


Humiditeit 36%

Vrydag


28°C / 18°C

Wind 27km/h


Reënval 2.0mm


Humiditeit 60%

Saterdag


24°C / 16°C

Wind 25km/h


Reënval 1.1mm


Humiditeit 45%

Sondag


29°C / 16°C

Wind 32km/h


Reënval 0.0mm


Humiditeit 35%

Sport

Duminy slaan twyfel oor fiksheid vir ’n ses

Deur Johann de Jager Vrydag 31 Mei 2013 22:57

BLOEMFONTEIN. – JP Duminy het enige twyfel oor die hakseningbesering wat hom vir bykans sewe maande buite aksie gehad het, gister letterlik vir ’n ses gemoker.

Die uitgehongerde hotklou het sy terugkeer tot die spel met ’n onoorwonne 150 van net 119 balle in die Proteas se sege met 84 lopies in ’n oefenwedstryd teen Nederland gevier – sy hoogste tot nog toe in ’n eendagkrieket-wedstryd.

Hoewel Duminy eers met die 59ste aflewering na hom sy eerste grenshou gemoker het, het hy die skare in Amstelveen later met vyf viere en agt sesse trakteer.

Faf du Plessis (62*, 42 balle) was ewe vernietigend nadat hy wedstrydloos van die Indiese Premierliga teruggekeer het.

Die flitsende kolwe van Duminy en Du Plessis was die enigste donderweer by die VRA-veld waar die reën weggebly het.

Hulle het onder meer 119 lopies van die laaste 6 boulbeurte gemoker om die Proteas tot by 341/3 te neem. Nederland is daarna, in die afwesigheid van die Proteas-grofgeskut, tot 257/9 beperk.

Eric Szwarczynski (98), wat in Vanderbijlpark gebore is, het sy eerste honderdtal net misgeloop. Hy is uitgehardloop toe sy kolfmaat se dryfhou aan sy kant deur Farhaan Behardien (2/35) op die paaltjies gedeflekteer is.

Duminy se vertoning was baie gerusstellend, siende dat die span van volgende week in die toernooi om die Kampioene-trofee sonder senior kolwers soos Graeme Smith en Jacques Kallis sal wees.

Duminy (1/22) het reeds in sy tweede boulbeurt gewys dat hy ook met vrug in die toernooi as draaier ingespan kan word.

Hy was ná die tyd heel ingenome met sy vertoning in die proeflopie.

“Dit was die ideale terugkeer, maar ek wil nie te veel spog daarmee nie.

“Daar was goeie dinge daarin en daar was dinge waaraan nog gewerk kan word. Nederland is, bygesê, ook nie die sterkste teenstander nie.”

Die Proteas-aanvangskolwers Alviro Petersen (6) en Hashim Amla (20) is vroeër goedkoop uitgehaal. Colin Ingram (82) en Duminy het op 38/2 byeengekom en 151 om die derde paaltjie aangeteken.

Du Plessis het hom ook mooi ingegrawe voordat hy losgetrek het.

* Suid-Afrika speel Maandag in Londen nog ’n losmaker, teen Pakistan. (Bykomende bron: espncricinfo.com)