Kaapstad Verander Area

Vandag


27°C / 16°C

Wind 25km/h


Reënval 0.0mm


Humiditeit 51%

Sondag


22°C / 16°C

Wind 26km/h


Reënval 0.4mm


Humiditeit 79%

Maandag


25°C / 16°C

Wind 31km/h


Reënval 0.0mm


Humiditeit 58%

Dinsdag


29°C / 17°C

Wind 22km/h


Reënval 0.0mm


Humiditeit 47%

Woensdag


22°C / 17°C

Wind 38km/h


Reënval 5.1mm


Humiditeit 81%

Donderdag


23°C / 16°C

Wind 21km/h


Reënval 3.5mm


Humiditeit 69%

Sport

Kevin teen die prins

Anderson pak Ferrer ná puik sege oor Raonic

Vrydag 31 Mei 2013 10:17 nm.

Rafael Nadal

PARYS. – As beloning vir sy beste vertoning tot nog toe in die Franse Ope, is Kevin Anderson met die moeilike taak opgesaal om die prins van klei in die vierde ronde aan te durf.

Suid-Afrika se voorste tennisspeler het gister hier net drie stelle nodig gehad om ’n plek teen die vierde gekeurde, die Spanjaard David Ferrer, te bespreek.

Anderson, 25ste gekeur, het Milos Raonic (14de) met 7-5, 7-6, 6-3 geklop. Hy is die eerste Suid-Afrikaanse man sedert Wayne Ferreira in 1996 wat die vierde ronde van die Franse Ope kon haal.

Ferrer het verlede jaar die halfeindronde van die Franse Ope én die Amerikaanse Ope gehaal en sal ’n veel groter uitdaging as Raonic bied.

Ferrer se landgenoot en sewemalige Franse Ope-wenner, Rafael Nadal, het gister sukkel-sukkel tot die derde ronde van die toernooi deurgedring. Die verdedigende kampioen en eerste gekeurde het Martin Klizan van Slowakye met 4-6, 6-3, 6-3, 6-3 geklop.

Nadal het lusteloos voorgekom, terwyl sy linkshandige teenstander veral vroeg in die wedstryd aan die brand was.

Die wedstryd is Donderdag weens reën uitgestel en dít het Nadal erg gefrustreer.

Hy het gister ná sy sege uitgevaar teen die toernooi-program en dit ’n “grap” genoem.

“Gister (Donderdag) het ek net vir ’n halfuur opgewarm, so ek het nie baie tennis die afgelope drie dae gespeel nie.

“Ek dink almal hier weet dat Donderdag se skedule verkeerd was.

In teenstelling met Nadal het die Switserse maestro en tweede gekeurde, Roger Federer, nóg ’n vyfster-vertoning gelewer.

Hy het die Fransman Julien Benneteau in ’n raps meer as 90 minute uit die toernooi geboender. Die telling was 6-3, 6-4, 7-5.

Federer, wat sy 57ste oorwinning op Roland Garros behaal het, het net een oorwinning nodig om die rekord van Guillermo Vilas en Nicola Pietrangeli te ewenaar.

Hy speel in die vierde ronde teen Gilles Simon (Frankryk).

Die marathon-man van tennis, John Isner van Amerika, het ’n agterstand van twee stelle uitgewis om sy 21-jarige landgenoot Ryan Harrison met 5-7, 6-7, 6-3, 6-1, 8-6 te klop.

Dié titaniese stryd het 3 uur en 50 minute geduur.

Isner het presies ’n jaar gelede in ’n rekord-stryd van 76 potte die knie hier teen die Fransman Paul-Henri Mathieu gebuig. – Sportredaksie, Reuters