06 Julie 02:56
11°C / 16°C

Kaapstad Verander Area

Vandag


16°C / 11°C

Wind 7km/h


Reënval 0mm


Humiditeit 72%

Dinsdag


19°C / 14°C

Wind 20km/h


Reënval 0mm


Humiditeit 71%

Woensdag


15°C / 13°C

Wind 19km/h


Reënval 0mm


Humiditeit 85%

Donderdag


16°C / 12°C

Wind 18km/h


Reënval 0mm


Humiditeit 82%

Vrydag


16°C / 13°C

Wind 9km/h


Reënval 0mm


Humiditeit 80%

Saterdag


16°C / 13°C

Wind 27km/h


Reënval 0mm


Humiditeit 90%

Sport

Junior Wêreldtoernooi

Nou wag Wallis op SA

Deur Kobus Pretorius Donderdag 13 Junie 2013 23:38

KAAPSTAD. – Handré Pollard jou doring!

Dié Blou Bul-losskakel se akkurate skopvoet het die Junior Bokke gisteraand in La Roche-sur-Yon nie net gehelp om vir die halfeindronde van die Junior Wêreldtoernooi te kwalifiseer nie, maar danksy die Bokkies se oorwinning van 26-19 oor die Jong Hane het hulle daarin geslaag om die gevaarlike Junior All Blacks in dié uitklopronde te vermy.

Suid-Afrika kom Dinsdag in die halfeindronde teen Wallis te staan nadat die Jong Drake vroeër met Argentinië afgereken het,

Nieu-Seeland sal Engeland se o.20-span in die ander halfeindstryd pak.

Pollard, agter ’n pak voorspelers wat meestal agteruit geboer het, het drie moeilike strafdoele en ’n ewe moeilike doelskop oorgeklits om ’n sege te verseker en te vergoed vir sy sukkelvertoning in die vorige wedstryd teen Engeland.

Die Bokkies was met die rustyd net met 8-7 voor teen ’n begeesterde Franse span. Hulle het egter by tye in die tweede helfte heelwat beter gespeel.

Cheslin Kolbe het ’n uitstekende wedstryd met ’n puik individuele drie in die doodsnikke afgesluit om die sege te verseker.

Die Jong All Blacks het Ierland in Vannes, Frankryk, in ’n spannende, maar opwindende wedstryd uitgeskakel toe hulle dié span met 31-26 verslaan het. In La Roche-sur-Yon het Wallis gewys hoe belangrik dit is om ’n wedstryd goed te begin. Die Jong Drake het met 25-20 oor Argentinië geseëvier.

Engeland het die grootste sege in die geskiedenis van die toernooi behaal toe hy die VSA met 109-0 vermorsel het. Die Engelse se 17 drieë is ook die meeste in die toernooi tot nog toe. Die Iere kon met ’n bykomende bonuspunt vir vier drieë Engeland uit die toernooi geknikker het, maar Nieu-Seeland se verdediging in die doodsnikke het gehou om ’n taai wedstryd te beklink.

Wallis het die eerste helfte van sy kragmeting met Argentinië oorheers en rustyd met 16-0 voorgeloop.

Hy moes egter bontstaan in die tweede helfte en vasklou aan sy voorsprong toe die Argentyne teruggeveg het.

* Suid-Afrika se stut Luan de Bruin is gister vir vier weke geskors nadat hy skuldig bevind is aan ’n boorvat teen Engeland

* Puntemakers:

Junior Bokke 26 (8): Drieë: Dries Swanepoel, Luther Obi, Cheslin Kolbe. Doelskop: Handré Pollard. Strafdoele: Pollard (3).

Jong Hane 19 (7): Drieë: Thibault Regard, Marco Tauleigne, Baptiste Serin. Doelskoppe: Enzo Selponi, Baptiste Serin.