Kaapstad Verander Area

Vandag


26°C / 17°C

Wind 21km/h


Reënval 0.0mm


Humiditeit 55%

Sondag


26°C / 17°C

Wind 17km/h


Reënval 0.0mm


Humiditeit 67%

Maandag


23°C / 16°C

Wind 32km/h


Reënval 0.0mm


Humiditeit 61%

Dinsdag


22°C / 15°C

Wind 45km/h


Reënval 0.0mm


Humiditeit 58%

Woensdag


25°C / 16°C

Wind 39km/h


Reënval 0.0mm


Humiditeit 54%

Donderdag


23°C / 16°C

Wind 39km/h


Reënval 0.0mm


Humiditeit 64%

Nuusflitse
Vrou sterf toe vragmotor op haar motor rol ‘Ebola-chaos’ by Beitbrug Man vas wat huishulp aanrand Man aangekeer wat katte vir dwelmsmokkelary gebruik Universiteite breek bande met Bill Cosby Dief steel lykswa met lyk steeds binne in Matriekmeisie gee geboorte voor skool, los glo baba Seun op soek ná wolkbreuk Hoë risiko vir beurtkrag dié naweek Kaapse man steek glo vrou in Auckland dood 'Pop trek Steve Hofmeyr se toutjies' Brit onder 5 wat sterf in Afganistan-bomaanval Man gevonnis vir dubbele moord in Beaufort-Wes Mandela se dood in Desember herdenk Lewe glo te moeilik: 98-jarige skiet homself en vrou Skoon oudit vir Gautrein Nog swaar reën vir Gauteng voorspel Burgermeestersdrama in Mokopane: SAPD ontplooi Kapenaar moor glo gewese vrou in Nieu-Seeland Wladimir Poetin se bankier deur interpol gesoek Dominee spontaan toegejuig toe kerk se ligte aangaan Grapjas se optrede het Steve Hofmeyr diep seergemaak Jacob Zuma se mond gesnoer toe hy oor ANC wou praat China: 26 sterf in brand by steenkoolmyn IS ‘mees brutale bedreiging nog’ – Angela Merkel Steve Hofmeyr: Konsert glo R5 miljoen kwyt Man urineer in vliegtuig se gang Grypdief laat spaander met handsak, R5 000 Opgekapte lyk in Kampsbaai gevind Gedwonge verhuising staar advokate in die gesig Man ontevrede oor vroue-universiteite Seun kan nie matriek voltooi weens aanranding Boksombende help vir Blikkies met heupvervangings 'Eenhoring' kry groot belangstelling Munisipale Eskom-skuld buite beheer
Sport

Toernooi om die Kampioene-trofee

Suid-Afrika skraap deur

Pollard, reën kos Windies halfeind-plek

Deur Johann de Jager Vrydag 14 Junie 2013 10:18 nm.

Colin Ingram jaag die bal bykant-grens toe in die Proteas se Kampioenetrofee-stryd teen die Wes-Indiese Eilande gister in Cardiff. Dié Oos-Kapenaar het ’n flink beurt van 73 lopies (van 63 balle) gespeel en die grondslag vir Suid-Afrika se totaal van 230/6 in 31 beurte gelê. Foto: Kirsty Wigglesworth | AP

BLOEMFONTEIN. – Die Duckworth-Lewis-stelsel wat die Proteas al lang trane laat huil het, het hulle uiteindelik vir ’n slag groot blydskap gebring.

Dié omstrede stelsel het Suid-Afrika se reënverkorte groepwedstryd teen die Wes-Indiese Eilande gister in Cardiff gelykop laat eindig.

Dit het meegebring dat Suid-Afrika, vanweë sy beter netto lopietempo vooraf, op dramatiese wyse tot die halfeindstryd van die toernooi om die Kampioene-trofee deurgedring het.

Die wedstryd is weens reënbuie vooraf aanvanklik tot 36 boulbeurte en toe eindelik na 31 beurte aan ’n kant verkort.

Suid-Afrika het ’n heel skaflike 230/6 aangeteken.

Die Windies het deurentyd ná terugslae teruggeveg om die wedstryd in die weegskaal te hou.

Hulle het 190/6 ná 26.1 beurte gehad toe reën uitgesak het.

Kieron Pollard (28) se paaltjie op 190/5 – toe hulle 40 van 30 balle benodig het, was aan die einde die bepalende wending. Dít het sake volgens die Duckworth-Lewis-stelsel presies gelykop laat eindig.

Pollard sal die onbesonne hou nie gou vergeet nie. Hy is met die eerste aflewering van die 27ste beurt wat deur Ryan McLaren afgestuur is op derdeman deur Dale Steyn uitgevang.

Dié paaltjie het die Windies uitgeknikker.

Steyn (2/33) was vroeër in sy terugkeer tot die krieketveld ietwat ongelukkig toe albei aanvangskolwers in sy eerste twee boulbeurte kanse gebied het.

Die gevreesde Chris Gayle kon vir 6 uit gewees het as Steyn kon vasklou aan die bal wat die hotklou hard na hom toe teruggeslaan het. In sy tweede beurt het JP Duminy bottervingers op regby gehad wat Johnson Charles laat oorleef het. In sy derde beurt was AB de Villiers met die groot handskoene onder die bal om Charles (16) uit te vang.

Die gevaarman Gayle (36) het net mooi ontwaak toe Chris Morris (1/30) hom uitoorlê het.

Met dié kanonkolf se vertrek het ’n dubbele slag die Windies getref toe die verwysingstelsel bevestig het dat Devon Smith (30) wel been voor paaltjies deur Robin Peterson betrap is.

Die Windies was met reën wat liggies begin uitsak het ook in ’n stryd met die Duckworth-Lewis-stelsel gewikkel.

Op 104/4 in 18de beurt het Marlon Samuels (48) en Pollard hul jaagtog, eers net teen die Duckworth-Lewis-stelsel, begin.

Veral Samuels het die wedstryd met sy warrelwind beurt terug in die weegskaal geplaas voordat Steyn hom geboul het.

Die reëngode het toe tot Suid-Afrika se redding gekom.

Colin Ingram (73, 63b) was met sy derde vyftigtal die Proteas se kolfheld nadat hulle ingestuur is. Dwayne Bravo, kaptein van die Windies, het soos verwag in die bewolkte toestande asook die feit dat die blad lank toegemaak was, nie geaarsel om Proteas in te stuur toe hy die loot gewen het nie. Die bal het egter nie so baie rondbeweeg soos verwag is nie.

Ingram het as die aggressor saam met Hashim Amla (23) ’n stewige grondslag van 80 lopies in 12 boulbeurte gelê.

De Villiers (37) was vies oor die hou waarmee hy uit is. Hy het ’n kort aflewering van Ravi Rampaul (1/37) gehaak wat skitterend uit die lug uit deur Darren Bravo op middebaan gepluk is. Dit was ’n groot slag vir die Proteas, want die kaptein was op sy stukke.

Faf du Plessis (35) en veral David Miller (38) het die kolfbeurt daarna weer woema gegee.