Kaapstad Verander Area

Vandag


23°C / 16°C

Wind 19km/h


Reënval 0.2mm


Humiditeit 56%

Maandag


25°C / 15°C

Wind 20km/h


Reënval 0.0mm


Humiditeit 59%

Dinsdag


23°C / 16°C

Wind 19km/h


Reënval 0.1mm


Humiditeit 65%

Woensdag


25°C / 17°C

Wind 21km/h


Reënval 0.0mm


Humiditeit 63%

Donderdag


23°C / 16°C

Wind 32km/h


Reënval 3.2mm


Humiditeit 68%

Vrydag


23°C / 16°C

Wind 39km/h


Reënval 0.0mm


Humiditeit 53%

Sport

nuweland is super-bondgenoot

Stormers veg vir agting

Plek in uitspeelrondes vandag Cheetahs-geelwortel

Deur Stephen Nell Vrydag 28 Junie 2013 11:48 nm.

KAAPSTAD. – Wie sou hulle dit kon indink voor vanjaar se Superrugby-reeks afgeskop het: Die uitspeelrondes wink vir die Cheetahs en die Stormers doen kreatiewe wiskunde om hulself wys te maak dat hulle steeds ’n kans het.

Wen die Cheetahs vandag op Nuweland, is hulle so te sê seker van ’n plek in die uitspeelrondes. Dis straks al motivering wat hulle nodig het, maar teen die Stormers gaan dit moeilik wees – om twee redes: Dis ’n derbywedstryd en die tuisspan wil sy naam in ere herstel.

Laasgenoemde is ’n ou cliché, maar in die geval van die sukkelende Stormers baie relevant.

Hulle lok groter skares as enige ander span in die reeks, en die Kaapse mense laat jou dit verstaan as jy nie goed genoeg is nie.

Dit is vanjaar oorwegend die geval met die Stormers, maar weliswaar nie op Nuweland nie.

Op hul tuisveld het hulle nog net teen die Crusaders verloor.

In die Kaap moet die Stormers ondanks hul posisie op die puntelys as die gunstelinge geag word.

Baie sal egter afhang van hoe goed hulle die aanslag van die Cheetahs se agttal kan afweer.

Dis veral in die voorry waar daar vir die Stormers kwelvrae is. Kan hul vaskopstut, Brok Harris, sy man teen Coenie Oosthuizen staan?

En hoeveel momentum sal die Cheetahs kry wanneer hulle die Bok-loskop Trevor Nyakane van die plaasvervangersbank opstuur?

Die Stormers-lostrio sal die stryd ook met ewe veel werkywer as hul regstreekse teenstanders moet benader.

Vir lekkerder tweestryde vandag kan ons nie vra nie.

Damian de Allende en Juan de Jongh in die Stormers se middelveld teen Robert Ebersohn en Johann Sadie; Deon Fourie teen Heinrich Brüssow. Ensovoorts.

Die rol van die onderskeie spelskeppers in die spanne sal ook ’n beduidende rol speel.

Willie le Roux sou met baie selfvertroue van die Springbok-kamp teruggekeer het en al begin hy vandag weer op vleuel, kan hy van fasespel die rol van ’n losskakel speel.

Moet ook nie die moontlike invloed van die Stormers se nr. 10, Elton Jantjies, onderskat nie.

Al het ons nog nie sy beste gesien nie, het die druk van hoë verwagtinge gewyk en behoort sy gehalte mettertyd te wys.

As dié wedstryd – soos verwag – baie gelykop verloop, sal die spanne aan die genade van Stuart Berry as skeidsregter oorgelaat word. Hy het ’n paar flaters in hul vorige stryd in Bloemfontein begaan en hopelik is sy fluitjie nie weer ’n gesprekspunt nie.

* Stormers: Joe Pietersen, Gio Aplon, Juan de Jongh, Damian de Allende, Bryan Habana, Elton Jantjies, Louis Schreuder, Nizaam Carr, Deon Fourie (k), Siya Kolisi, De Kock Steenkamp, Eben Etzebeth, Brok Harris, Tiaan Liebenberg, Steven Kitshoff. PLAASVERVANGERS: Scarra Ntubeni, Ross Geldenhuys, Gerbrandt Grobler, Don Armand, Dewaldt Duvenage, Gary van Aswegen, Gerhard van den Heever.

Cheetahs: Hennie Daniller, Willie le Roux, Johann Sadie, Robert Ebersohn, Raymond Rhule, Riaan Smit, Piet van Zyl, Philip van der Walt, Lappies Labuschagne, Heinrich Brussow, Francois Uys, Lodewyk de Jager, Lourens Adriaanse, Adriaan Strauss (k), Coenie Oosthuizen. PLAASVERVANGERS: Ryno Barnes, Trevor Nyakane, Waltie Vermeulen, Boom Prinsloo, Sarel Pretorius, Elgar Watts, Howard Mnisi.

Skeidsregter: Stuart Berry.