Kaapstad Verander Area

Vandag


25°C / 14°C

Wind 19km/h


Reënval 0.0mm


Humiditeit 57%

Dinsdag


24°C / 15°C

Wind 21km/h


Reënval 0.4mm


Humiditeit 67%

Woensdag


24°C / 17°C

Wind 18km/h


Reënval 0.0mm


Humiditeit 57%

Donderdag


24°C / 16°C

Wind 27km/h


Reënval 1.8mm


Humiditeit 65%

Vrydag


22°C / 16°C

Wind 33km/h


Reënval 0.4mm


Humiditeit 54%

Saterdag


26°C / 18°C

Wind 34km/h


Reënval 0.0mm


Humiditeit 48%

Sport

Towenaar se plan vir Bok-spanmaat

Willie: Duik Bryan laag

Cheetahs moet Stormers se drieëvraat vandag fyn dophou

Deur Jóhann Thormählen Vrydag 28 Junie 2013 10:50 nm.

BLOEMFONTEIN. – Om die enkels, want dan val hy twee keer harder.

Dit is die Springbok-heelagter Willie le Roux se raad oor waar die Cheetahs vandag op Nuweland die Bok-breker Bryan Habana moet duik.

Indien hulle dit nie in hul Superrugby-wedstryd doen nie, gaan hulle waarskynlik die Stormers-vleuel se nommer op sy rug sien terwyl hy rieme neerlê doellyn toe.

’n Week gelede het Le Roux vir Habana gehelp om sy 49ste toetsdrie te druk, maar vandag sal hy dié Kaapse drieëvraat se elke beweging vir ’n heel ander rede moet dophou.

Dié Bok-blits het die vermoë om die Cheetahs se drome van die Super-uitkloprondes eiehandig ’n gevoelige knou te gee.

Hoewel Habana nie vir Le Roux as spelskepper langs hom het nie, beskik die Stormers oor meer as genoeg skietgoed om dié driedrukmasjien weer te laat druk.

“Dit is die ding van rugby. Jy maak vriende wat jy nie geken het nie en speel saam met hulle by die Bokke. Maar dan, net sewe dae later, speel jy weer téén hulle,” het Le Roux gesê.

Die Cheetahs se vleuel, wat nog op skool was toe Habana die eerste keer vir die Bokke uitgedraf het, beskou die Kapenaar as iemand om na op te kyk.

“Sy werksetiek is baie hoog en hy probeer altyd orals op die veld kom. Hy is ook ’n goeie leier.

“Hy het ’n paar jaar terug ’n slegte tyd beleef, maar sterk teruggekom. Dit wys hoe goed hy is.”

Dié Cheetahs se towenaar het in sy drie toetse en voorheen in die Super-reeks gewys daar is nie ’n beter manier om teenstanders te lak as om die enkels nie.

Hy het byvoorbeeld die Wallaby-vleuel Digby Ioane goed opgepas toe die Reds die Cheetahs hier gepak het.

“Jy kan nie ouens op Super-vlak of in toetsrugby hoog duik nie,” het hy gesê.

“Bryan is goed daarmee om af te rond en te druk. Jy moet hom goed dophou.”

* Stormers-span: Joe Pietersen, Gio Aplon, Juan de Jongh, Damian de Allende, Bryan Habana, Elton Jantjies, Louis Schreuder, Nizaam Carr, Deon Fourie (k), Siya Kolisi, De Kock Steenkamp, Eben Etzebeth, Brok Harris, Tiaan Liebenberg, Steven Kitshoff. PLAASVERVANGERS: Scarra Ntubeni, Ross Geldenhuys, Gerbrandt Grobler, Don Armand, Dewaldt Duvenage, Gary van Aswegen, Gerhard van den Heever.

Cheetahs: Hennie Daniller, Willie le Roux, Johann Sadie, Robert Ebersohn, Raymond Rhule, Riaan Smit, Piet van Zyl, Philip van der Walt, Lappies Labuschagné, Heinrich Brüssow, Ligtoring Landman, Lood de Jager, Lourens Adriaanse, Adriaan Strauss (k), Coenie Oosthuizen. PLAASVERVANGERS: Ryno Barnes, Trevor Nyakane, Waltie Vermeulen, Boom Prinsloo, Sarel Pretorius, Elgar Watts, Howard Mnisi.

Skeidsregter: Stuart Berry