23 Mei 13:52
12°C / 20°C

Kaapstad Verander Area

Vandag


20°C / 12°C

Wind 10km/h


Reënval 0.3mm


Humiditeit 79%

Sondag


20°C / 10°C

Wind 15km/h


Reënval 0.4mm


Humiditeit 85%

Maandag


20°C / 11°C

Wind 12km/h


Reënval 0.0mm


Humiditeit 54%

Dinsdag


22°C / 11°C

Wind 12km/h


Reënval 0.0mm


Humiditeit 66%

Woensdag


22°C / 12°C

Wind 13km/h


Reënval 0.0mm


Humiditeit 70%

Donderdag


21°C / 13°C

Wind 19km/h


Reënval 0.0mm


Humiditeit 64%

Sport

Froome het een hand al op sjampanjebottel

Vrydag 19 Julie 2013 23:15

LE GRAND BORNAND (Frankryk). – Met net 258.5 km van die Tour de France oor lyk dinge nou baie rooskleurig vir die algehele voorloper, Chris Froome.

Hy was nie die vinnigste in gister se 19de skof nie, maar het nietemin ’n trappie nader aan daardie gesogte podiumplek gegee.

Die Portugese fietsryer Rui Costa het gister sý tweede skofsege (die derde van sy loopbaan) in die 100ste Tour de France ingeryg.

Costa, ’n lid van die Movistar-span, het dié skof oor 204.5 km – van Bourg d’Oisans na hier – in 5 uur, 59 minute en 1 sekonde voltooi.

Duitsland se Andreas Klöden het die wenstreep 48 sekondes ná hom oorgesteek en die tweede plek verower. Die Belg Jan Bakelants was derde.

Costa en Klöden was die enigste jaers wat die skof in minder as 6 uur voltooi het.

Froome het 8 minute en 42 sekondes ná Costa by die eindstreep opgedaag om 25ste te eindig.

Froome, wat in Kenia gebore is, het nietemin sy voorsprong van 5 minute en 11 sekondes op Spanje se Alberto Contador, sy naaste teenstander, behou.

Contador, ’n tweemalige Tour-wenner, en sy Saxo-span het die krane veral oor die laaste twee bulte oopgedraai – in ’n poging om Froome en die res van sy Sky- span te beproef.

Hulle kon die algehele voorloper egter nie afskud nie. Hy het die wenstreep net ná sy spanmaat Richie Porte oorgesteek.

Die jaers sal vandag hul laaste dag in die Alpe deurbring. Die 20ste skof strek oor 125 km – van Annecy tot op die kruin van Annecy-Semnoz.

Die laaste skof begin Sondag in Versailles en eindig in die Champs-Élysées.

Nairo Quintana van Colombia is steeds algeheel derde en blaas in Contador se nek.

Hy is 5 minute en 32 sekondes agter Froome, maar in die stadium net 22 sekondes stadiger as Contador. – Reuters; Sapa-AFP; letour.fr