05 September 01:08
15°C / 21°C

Kaapstad Verander Area

Vandag


21°C / 15°C

Wind 9km/h


Reënval 0mm


Humiditeit 60%

Sondag


21°C / 14°C

Wind 38km/h


Reënval 0mm


Humiditeit 59%

Maandag


15°C / 13°C

Wind 15km/h


Reënval 8mm


Humiditeit 85%

Dinsdag


15°C / 12°C

Wind 14km/h


Reënval 0mm


Humiditeit 73%

Woensdag


15°C / 11°C

Wind 20km/h


Reënval 0mm


Humiditeit 81%

Donderdag


13°C / 10°C

Wind 47km/h


Reënval 7mm


Humiditeit 76%

Sport

Jobodwana, Viljoen skitter in Moskou

Deur johan van wyk Vrydag 16 Augustus 2013 09:57

Anaso Jobodwana van Suid-Afrika het Vrydagoggend in die 200 m die vinnigste tyd van die sewe uitdunne op die wêreldkampioenskappe in Moskou opgestel. Foto: Julian Finney | Getty Images

Die Suid-Afrikaners Anaso Jobodwana en Sunette Viljoen het Vrydagoggend in Moskou indrukwekkende vertonings by atletiek se wêreldkampioenskappe gelewer.

Jobodwana het in die 200 die vinnigste tyd van die sewe uitdunne (20.17) opgestel. Dis net 0.04 duskant die beste tyd van sy 21-jarige lewe  en hy het duidelik op sy gemak gelyk toe hy verby die wenpaal draf. Usain Bolt het die sewende uitdun in 20.66 gewen.

Vanaand (17:40 SA tyd) in die 200-halfeindronde lyk Morné Nagel se SA rekord (20.11) in groot gevaar en dit sal nie verbaas indien Jobodwana, die dubbele wêreld-studentekampioen in die 100 en 200, die eerste Suid-Afrikaner onder 20 sekondes word nie. Hy moet 'n baie goeie kans hê om saam met Bolt in môreaand se 200-eindstryd weg te spring.

In die vroue-spiesgooi het Viljoen sommer met haar eerste gooi in die kwalifiserende rondte tot die eindrondte Sondag deurgedring. Sunette se afstand (64.51) oortref haar beste vanjaar (63.49).

Die Rus Maria Abakumova was met 'n 69.09 die beste kwalifiseerder.

Drie ander Suid-Afrikaners is ook vanaand in aksie: Khotso Mokoena van 17:30 (SA tyd) af in die verspring-eindronde; om 18:45 spring Elroy Gelant in die 5 000-eindronde weg en Johan Cronjé veg van 17:05 af in die 1 500-halfeindronde vir 'n plek in Sondag se eindronde.