Kaapstad Verander Area

Vandag


23°C / 14°C

Wind 20km/h


Reënval 0.1mm


Humiditeit 51%

Sondag


22°C / 17°C

Wind 22km/h


Reënval 0.4mm


Humiditeit 62%

Maandag


25°C / 16°C

Wind 31km/h


Reënval 0.0mm


Humiditeit 51%

Dinsdag


24°C / 15°C

Wind 32km/h


Reënval 0.0mm


Humiditeit 60%

Woensdag


24°C / 17°C

Wind 17km/h


Reënval 0.0mm


Humiditeit 55%

Donderdag


24°C / 17°C

Wind 19km/h


Reënval 2.1mm


Humiditeit 68%

Sport

Bafana hoop geskiedenis word herhaal in stryd teen Botswana

Deur Johann de Jager Maandag 02 September 2013 10:16 nm.

BLOEMFONTEIN. – Suid-Afrika moet die naweek die deur oopskouer teen sy buurman as hy sy kanse vir aanstaande jaar se Wêreldbeker-sokkertoernooi in Brasilië lewend wil hou.

Bafana Bafana pak Botswana Saterdag in Durban in hul laaste groepwedstryd.

Suid-Afrika het albei vorige tuiswedstryde teen die Zebras, waarvan een in Durban was, gewen.

Die Suid-Afrikaners het nog net een keer, in 2006 in Gaborone, met ’n uitskopstryd aan die einde met 5-6 teen Botswana in sewe ontmoetings verloor.

Die gelykopuitslag van 1-1 in die eerste ronde van die groepfase, verlede jaar in Gaborone, het Bafana Bafana van 2 waardevolle punte beroof.

Dis iets wat nie Saterdag in die Moses Mabhida-stadion weer mag gebeur nie.

Suid-Afrika het vroeër sy voet terug in die deur gekry nadat Ethiopië gestraf is, omdat hy ’n geskorste speler in sy groepwedstryd teen Botswana ingespan het.

Die tuisspan móét nou Saterdag wen en hoop dat Ethiopië nie enige punte in sy wedstryd teen die Sentraal-Afrikaanse Republiek (SAR) in Brazzaville kry nie.

Dié wedstryd word weens die oproer in die SAR weer op ’n neutrale veld beslis.

Hoewel Gordon Igesund, die afrigter van Bafana Bafana, sy beste span in ’n lang tyd tot sy beskikking het, is die besoekers besaai met spelers wat hul klubsokker in Suid-Afrika speel.

Die verdediger Mogogi Gabonamong se SuperSport United is onoorwonne en die vroeë voorloper in die plaaslike Premiersokkerliga.

En dan is daar die gevaarlike Joel Mogorosi van Bloemfontein Celtic wat Bafana Bafana in die verlede laat bontstaan het. Dié middelveldspeler was die Speler van die Telkom-uitklopreeks en hy het reeds twee doele in Celtic se eerste drie PSL-wedstryde aangeteken.

Die Botswana-doelwagter, Kabelo Dambe, en middelveldspeler Mogakolodi Ngele speel vir Platinum Stars. Nog twee middelveldspelers, Galabgwe Moyana en Ntesang Simanyana, speel vir Polokwane City.

Ofentse Nato van Black Aces het die gelykmaker in die spanne se vorige wedstryd aangeteken.