Kaapstad Verander Area

Vandag


27°C / 16°C

Wind 38km/h


Reënval 0.0mm


Humiditeit 50%

Woensdag


32°C / 19°C

Wind 27km/h


Reënval 0.0mm


Humiditeit 37%

Donderdag


34°C / 17°C

Wind 17km/h


Reënval 0.0mm


Humiditeit 38%

Vrydag


27°C / 18°C

Wind 35km/h


Reënval 7.0mm


Humiditeit 60%

Saterdag


23°C / 16°C

Wind 22km/h


Reënval 2.3mm


Humiditeit 47%

Sondag


27°C / 17°C

Wind 31km/h


Reënval 0.0mm


Humiditeit 41%

Sport

Boland sif deur aansoeke vir pos

Deur Kobus Pretorius Dinsdag 01 Oktober 2013 21:38

KAAPSTAD. – Die Boland Rugbyunie gaan binne die volgende twee weke ’n kortlys van vyf name opstel om die vakante hoofafrigterspos van sy senior span te vul.

Dié nuwe pos is geskep nadat die unie besluit het om die pos van direkteur van rugby, wat deur Loffie Eloff beklee is, te skrap.

Eloff het terselfdertyd besluit om nie om die nuwe pos aansoek te doen nie. Sy kontrak verstryk op 31 Oktober.

Willie Small, die uitvoerende hoof van die Boland, het gister gesê hulle het “16 of 17” aansoeke vir die pos ontvang.

“Die kortlys sal nie meer as vyf name bevat nie.

“Ek is redelik tevrede met die aansoeke. ’n Mens is seker nooit 100% tevrede nie. Daar is nie regtig enige groot name wat aansoek gedoen het nie.”

Terwyl die Boland ’n nuwe afrigter soek, is heelparty van dié unie se spelers reeds deur ander provinsies opgeraap of word aanbiedinge van elders oorweeg.

Jacquin Jansen (heelagter), Johnathan Francke (buitesenter) en Lucky Kebe (skrumskakel) het reeds kontrakte met Griekwas gesluit, terwyl Junior Bester (agtsteman) na die SWD-Arende op pad is.

Small het bevestig dat Adri Jacobs (senter) en Sabelo Nhlapo (loskopstut) hulle by onderskeidelik die Luiperds en die Pumas aansluit. Ricky Schroeder se agent, Peet van Zyl, het bevestig dat dié WP-skrumskakel, wat as leenspeler vir die Boland in die Eerste Liga van die Curriebeker-reeks gespeel het, ’n kontrak van twee jaar met die Leeus gesluit het.

Schroeder moet hom op 1 November in Johannebsurg aanmeld.

“Ek is baie opgewonde oor die nuwe uitdaging by die Leeus,” het Schroeder gesê.

Hy is tans besig met ’n verlengde vyfjaar-kursus in sosiale wetenskappe aan die Universiteit van Kaapstad, maar gaan probeer om dit deur die pos te voltooi. “My studies bly vir my belangrik, maar ek is nou ten volle toegewy aan die Leeus en sal hard moet werk om my stempel daar af te druk.”

* Intussen sal Eloff sy opsies vir die toekoms oorweeg. Hy het besluit om vir die volgende vier weke ’n blaaskans van rugby te neem, voordat hy ’n besluit neem. Hy het twee aanbiedinge uit Japan gekry, en het ’n plaaslike opsie in die Kaap. Hy stel ook belang in die hoofafrigterspos by Griekwas.