04 September 18:34
15°C / 19°C

Kaapstad Verander Area

Vandag


19°C / 15°C

Wind 6km/h


Reënval 0mm


Humiditeit 64%

Sondag


21°C / 14°C

Wind 39km/h


Reënval 0mm


Humiditeit 61%

Maandag


15°C / 13°C

Wind 19km/h


Reënval 8mm


Humiditeit 83%

Dinsdag


14°C / 11°C

Wind 15km/h


Reënval 0mm


Humiditeit 69%

Woensdag


14°C / 11°C

Wind 30km/h


Reënval 0mm


Humiditeit 79%

Donderdag


14°C / 12°C

Wind 35km/h


Reënval 6mm


Humiditeit 78%

Sport

Kings gaan by klubs haker soek

Deur Michael Green Dinsdag 05 November 2013 21:55

Albé de Swardt is die enigste haker in die Kings se gekontrakteerde groep. FOTO: WERNER HILLS

PORT ELIZABETH. – Die OP-Kings se rugbykeurders gaan die net oor die unie se klubspelers werp in die hoop om nog ’n haker te vind.

Dít volg nadat die Kings net met een haker in hul groep van gekontrakteerde spelers vir die komende seisoen sit.

Albé de Swardt is skielik die Kings se nr. 1-haker, met Hannes Franklin oor wie se kontrak nog onduidelikheid is en Boetie Britz wat nie weer een aangebied is nie.

“Ons hoop om nog hakers by die klubs te vind. Ons beplan in elk geval om volgende jaar ’n paar klubspelers in die Vodacombeker-reeks speelkans te gee,” het Matt Sexton, die Kings se hoofafrigter, gesê.

Die Kings het reeds weens beserings teen die einde van dié seisoen vir Bobby Dyer van Despatch ingespan. Nog ’n Despatcher, Giovano Fourie, sal dalk ook nou as haker oorweeg word.

Fourie is vroeër vanjaar as die Speler van die Gemeenskapsbeker-reeks aangewys en het toe vir ’n ruk by Impala in Rustenburg gaan speel. Hy en Dyer het voor Alan Solomons die Kings-breier geword het, gereeld vir die Kings uitgedraf en is gesoute provinsiale spelers.

Daar is net drie nuwelinge van buite die streek in die Kings se groep. Hulle is die loskopstut BG Uys, die skrumskakel Jaco Grobler en die vaskopstut Simon Kerrod.

Uys en Grobler kom van die Luiperds en Kerrod het vanjaar twee Vodacombeker-wedstryde vir die Haaie gespeel.

“Verskeie van die spelers in ons groep sal vir die Madibaz in die Varsitybeker-reeks beskikbaar wees,” het Sexton gesê.

“Ons handhaaf ’n goeie verhouding met die universiteit en daarom leen ons ook die afrigter David Maidza aan die NMMU om Brent Janse van Rensburg by te staan.”

Charl Crous, die Kings se uitvoerende beampte, het ook bevestig dat De Wet Barry, wat die laaste paar jaar as verdedigingsafrigter by die unie werksaam was, Kaapstad toe getrek het.

* Kings-groep:

Agterspelers: Eben Barnard, Ofentse Boloko, Ronnie Cooke, Ntabeni Dukisa, Shane Gates, Siyanda Grey, Jaco Grobler, Andile Jho, Michael Killian, Tiger Mangweni, Foxy Ntleki, Sergeal Petersen, Brian Skosana, Shakes Soyizwapi, Andries Strauss, Scott van Breda, Marlou van Niekerk, Kayle van Zyl, George Whitehead. Voorspelers: Timothy Agaba, Rynier Bernardo, Thembelani Bholi, Aidon Davis, Albé de Swardt, Charl du Plessis, Schalk Ferreira, Samora Fihlani, Lizo Gqoboka, Simon Kerrod, Siya Mangaliso, Darron Nell, Brenden Olivier, Devin Oosthuizen, Paul Schoeman, Sonkosi Kuhle, Pieter Stemmet, Steven Sykes, Claude Tshidibi, BG Uys, Luke Watson, Stefan Willemse.

* Die Southern Kings speel vroeg volgende jaar drie vriendskaplike wedstryde teen drie SA Superrugby-spanne.

Program: 25 Januarie: Southern Kings t. Cheetahs. 1 Februarie: Kings t. Lions. 7 Februarie: Kings t. Stormers.