Kaapstad Verander Area

Vandag


27°C / 16°C

Wind 26km/h


Reënval 0.0mm


Humiditeit 51%

Dinsdag


26°C / 17°C

Wind 19km/h


Reënval 0.0mm


Humiditeit 66%

Woensdag


24°C / 16°C

Wind 14km/h


Reënval 0.0mm


Humiditeit 74%

Donderdag


23°C / 16°C

Wind 36km/h


Reënval 0.0mm


Humiditeit 68%

Vrydag


25°C / 16°C

Wind 33km/h


Reënval 0.0mm


Humiditeit 58%

Saterdag


25°C / 16°C

Wind 36km/h


Reënval 0.0mm


Humiditeit 56%

Sport

Wayne pak toks weg ná 230 stryde

Deur Michael Green Woensdag 06 November 2013 10:57 nm.

So sal sy ondersteuners hom nie weer vir die Kings sien rank nie. Wayne van Heerden het besluit om sy stewels op te hang. FOTO: DEAAN VIVIER

PORT ELIZABETH. – Sy speeldae is verby, maar hy is nog nie klaar met rugby nie, het Wayne van Heerden (34) gesê.

As speler het hy in 230 eersterangse wedstryde – insluitend 119 vir die OP-Kings – uitgedraf.

Hy het boonop vyf seisoene vir die Blitsbokke en twee seisoene in Japan klubrugby gespeel.

“En nou wil ek by afrigting betrokke raak. Ek hoop ek kan ’n rol speel in die Kings se Akademie,” het Van Heerden gesê.

Dié boorling van Graaff-Reinet, wat in Brandwag, Uitenhage, in die hoërskool was, het in 2000 sy provinsiale debuut vir die Kings (toe nog die OP-Olifante) gemaak.

Hy was aanvanklik ’n flank, maar het later meestal slot gespeel. Hy het baie spoed gehad en het as sewesspeler vir die Blitsbokke uitgeblink.

“Een van my hoogtepunte saam met die Blitsbokke was om in 2001 in Mar del Plata, Argentinië, in die Wêreldbeker-toernooi te speel,” het hy vertel.

“Nog ’n hoogtepunt in my loopbaan was om in 2009 vir die Cheetahs Super-rugby te speel. Een van my beste vertonings was juis daardie jaar teen die Crusaders.”

Dit was vir hom ook ’n “groot ervaring” om vir Santori in Japan in “plus-minus 40 wedstryde” uit te draf. Hy sonder Juan Smith en Bakkies Botha uit as die spelers wat “sy grootste teenstanders of spanmaats was”.

* Nog ’n veteraan, die senter Tiger Mangweni (33), moet binnekort besluit of hy nog wil rugby speel en of hy ook by die Akademie wil help afrig.

“Tiger is nog vir ’n jaar gekontrakteer en hy is nog goed genoeg om vir die Kings te speel. Ons sal egter met hom gesels en hoor wat hy eerder sal wil doen,” het die Kings-breier, Matt Sexton, gesê.