Kaapstad Verander Area

Vandag


26°C / 12°C

Wind 14km/h


Reënval 0.0mm


Humiditeit 28%

Maandag


23°C / 13°C

Wind 25km/h


Reënval 0.0mm


Humiditeit 48%

Dinsdag


25°C / 13°C

Wind 23km/h


Reënval 0.0mm


Humiditeit 43%

Woensdag


23°C / 12°C

Wind 31km/h


Reënval 0.0mm


Humiditeit 56%

Donderdag


28°C / 15°C

Wind 18km/h


Reënval 0.0mm


Humiditeit 32%

Vrydag


31°C / 12°C

Wind 11km/h


Reënval 0.0mm


Humiditeit 26%

Sport

Pumas katrol twee Bulldogs in vir 2014

Donderdag 21 November 2013 21:46

JOHANNESBURG. – Terwyl Grens se rugbyamptenare onder mekaar stry en sy spelers bekommerd is of hul salarisse voortaan wel betaal sal word, het twee van dié unie beste spelers die kans aangegryp om by ’n span aan te sluit wat vorentoe mik.

Die Pumas het die dienste van die woelige flank Brian Shabangu en skrumskakel Sinovuyo “Snake” Nyoka bekom en dié tweetal sal hul loopbane in Nelspruit voortsit.

Shabangu (25) en Nyoka (23) was uitblinkers in die Grens-Bulldogs se span toe hy byna ’n opskudding vroeg in die Curriebeker-reeks se Eerste Liga gelewer het deur die Pumas in Nelspruit te klop.

Uiteindelik het die Pumas die wedstryd met ’n drie reg teen die einde beklink en met 23-16 gewen.

Albei spelers was ook lede van die Suid-Afrikaanse Presidente-span – ’n span gelaai met Pumas-spelers – wat onder die afrigting van die Puma-breier, Jimmy Stonehouse, vroeër vanjaar die Tblisibeker verower het.

’n Ander aanwins vir die Pumas is die skrumskakel Johan “Oupa” Herbst van die SWD-Arende. Hy het ook een wedstryd vir die Southern Kings in vanjaar se Super-reeks gespeel.

Ook die Kings-vleuel, Marcello Sampson, wat 13 Super-wedstryde vir die Kings in 2013 gespeel het, trek Laeveld toe, waar die Pumas volgende jaar in die Premierliga gaan meeding.

Stonehouse het voorts die Luiperds- en Puk-senter, Hennie Skorbinski, nader getrek. Die stut Sabelo Nhlapo, wat voorheen vir die Haaie en Tukkies gespeel het voordat hy Boland toe is, is ook nou deel van die Puma-familie.

Onder die verliese is die slot Boela Serfontein, broer van die Springbok-senter Jan Serfontein, wat deur Griekwas na die Diamantstad gelok is. Die skrumskakel Shaun Venter het Vrystaat toe vertrek, maar met Nyoka en Herbst nou saam met Faf de Klerk en Reynier van Rooyen in die Pumas-groep, is daar nie ’n tekort aan goeie skrumskakels vir 2014 nie.

Vier ander Pumas-spelers wat van hul kontrakte vrygestel is, is Wilhelm Loock (vleuel), Danwel Demas (vleuel), Tiaan Marx (senter) en Ivann Espag (stut).