Kaapstad Verander Area

Vandag


25°C / 16°C

Wind 33km/h


Reënval 0.0mm


Humiditeit 50%

Sondag


26°C / 16°C

Wind 28km/h


Reënval 0.1mm


Humiditeit 58%

Maandag


20°C / 16°C

Wind 30km/h


Reënval 40.8mm


Humiditeit 86%

Dinsdag


22°C / 15°C

Wind 18km/h


Reënval 0.4mm


Humiditeit 68%

Woensdag


23°C / 16°C

Wind 31km/h


Reënval 0.0mm


Humiditeit 68%

Donderdag


25°C / 16°C

Wind 36km/h


Reënval 0.0mm


Humiditeit 61%

Sport

Gates, Rynier sal kans moet afwag

Deur Michael Green Maandag 20 Januarie 2014 10:35 nm.

Die voormalige Luiperds-skrumskakel Jaco Grobler kan Saterdag sy buiging vir die Kings teen die Cheetahs maak. Foto: DEON FERREIRA

PORT ELIZABETH. – Rynier Bernardo en Shane Gates sal dalk Saterdag ’n rukkie moet wag voordat hulle aan die Cheetahs kan wys hulle het ’n fout begaan deur hulle nie vir hul Superrugby-groep te kies nie.

Bernard en Gates was tot Saterdag nog deel van die Cheetahs se planne.

Hulle is Sondag teruggestuur Baai toe en het gister weer by die Southern Kings ingeval.

Die Kings en die Cheetahs speel Saterdag in die Nelson Mandelabaai-stadion ’n opwarmwedstryd.

Te oordeel na gister se oefening sal Bernardo en Gates nie in die Kings se beginspan wees nie.

Bernardo ding op slot mee met die Kings se kaptein, Darron Nell, en die ervare Steven Sykes.

Stephan Greeff, wat van die Leeus geleen word, kan ook oorweeg word.

Daar is ’n kans dat Bernardo as flank gekies kan word, hoewel dit nie sy beste posisie is nie.

Gates kan as binnesenter uit die span gehou word deur ­Dwayne Jenner, wat voorheen vir die Grens gespeel het.

Die veelsydige Gates kan ook losskakel speel, maar George Whitehead is die Kings se eerste keuse.

Dit lyk dus of Bernardo en Gates­ aanvanklik op die plaasvervangersbank sal wees en eers later in die wedstryd opgestuur sal word.

Die Kings kan vandag ook kopkrap oor wie in die voorry moet sak omdat die vaskopstut Charl du Plessis met ’n voetbesering sukkel.

Pieter Stemmet (21), wat verlede jaar een wedstryd vir die OP-Kings gespeel het, sal dalk saam met die haker Albé de Swardt en die loskopstut BG Uys die voorry vorm.

Uys is een van twee aanwinste van die Luiperds. Die ander een is die skrumskakel Jaco Grobler.

Grobler (21), wat in die Baai in Framesby op skool was, het die afgelope twee jaar in 20 wedstryde vir die Luiperds uitgedraf.

Rob Kempson, die Kings se waarnemende afrigter, het gesê die hakers Tabbie du Plessis en JC Oberholzer is op ’n  proefgrondslag by die Kings.

Du Plessis, ’n jonger broer van die Springbokke Bismarck en Jannie, het verlede jaar klubrugby in Bloemfontein gespeel.

Oberholzer het voorheen vir die Pukke en die Luiperds uitgedraf.

) Moontlike Kings-span: Shakes Soyizwapi, Michael Killian, Ronnie Cooke, Dwayne Jenner, Sergeal Petersen, George Whitehead, Jaco Grobler, Paul Schoeman, Devin Oosthuizen, Claude Tshibidi, Steven Sykes, Darron Nell, Pieter Stemmet, Albé de Swardt, BG Uys.