Kaapstad Verander Area

Vandag


22°C / 14°C

Wind 21km/h


Reënval 0.0mm


Humiditeit 54%

Saterdag


23°C / 14°C

Wind 21km/h


Reënval 0.0mm


Humiditeit 54%

Sondag


23°C / 15°C

Wind 19km/h


Reënval 0.0mm


Humiditeit 57%

Maandag


24°C / 16°C

Wind 19km/h


Reënval 0.1mm


Humiditeit 64%

Dinsdag


24°C / 13°C

Wind 16km/h


Reënval 0.0mm


Humiditeit 55%

Woensdag


23°C / 16°C

Wind 21km/h


Reënval 0.0mm


Humiditeit 57%

Sport

stryd teen leeus

Cooke moet toets slaag voor oefenstryd

Deur Michael Green Dinsdag 28 Januarie 2014 9:42 nm.

Charl du Plessis

PORT ELIZABETH. – Die ervare senter Ronnie Cooke sal eers ’n fiksheidstoets moet slaag voordat hy Saterdag hier teen die Leeus kan speel.

Die Leeus en die Kings pak mekaar in ’n vriendskaplike rugbywedstryd in die Nelson Mandelabaai-stadion.

“Ronnie sukkel nog met ’n heupbesering wat hy teen die Cheetahs opgedoen het,” het Rob Kempson, die Kings se waarnemende afrigter, gesê.

Dwayne Jenner, wat sy plek as binnesenter aan Shane Gates afstaan, sal buitesenter speel as Cooke nie reg is nie.

In die enigste ander verandering aan die beginspan sal Charl du Plessis as vaskopstut in Pieter Stemmet se plek sak.

Du Plessis het verlede week se wedstryd weens ’n seer hakskeen misgeloop.

Stemmet is heeltemal uit die groep omdat Kempson hom in die voorwedstryd vir die Oostelike Provinsie-Kings wil gebruik.

“Hy vorm ’n integrale deel van die OP-Kings se span teen Despatch en ons wil hom ’n volle 80 minute speeltyd gee,” het Kempson oor Stemmet gesê.

Die OP-Kings pak die SA Gemeenskapsbeker-kampioen, Despatch, in ’n opwarmwedstryd. Op die plaasvervangersbank kry die voormalige Luiperds-haker JC Oberholzer ’n kans, aangesien Albé de Swardt met ’n ribbesering sukkel.

Brian Skosana staan reg om by Jenner oor te neem as Jenner in Cooke se plek opgeroep word.

 Kings: Shakes Soyizwapi, Sergeal Petersen, Ronnie Cooke/Dwayne Jenner, Shane Gates, Michael Killian, George Whitehead, Jaco Grobler, Devin Oosthuizen, Darron Nell (k), Paul Schoeman, Rynier Bernardo, Steven Sykes, Charl du Plessis, Dane van der Westhuyzen, BG Uys. PLAASVERVANGERS: JC Oberholzer, Lizo Gqoboka, Vukile Sofisa, Stephan Zaayman, Stephan Greeff, Thembelani Bholi, Sonwabo Majola, Dwayne Jenner/Brian Skosana, Ntabeni Dukisa.

* Kempson het ook gesê die voormalige kaptein van die Blitsbokke Mzwandile Stick sal die Oostelike Provinsie-Kings in die Vodacombeker-reeks afrig.

Kempson sal ná die Southern Kings se vriendskaplike wedstryd volgende week teen die Stormers weer op sy werk as bestuurder van die Kings se Akademie fokus.

Stick (29) het twee jaar gelede as speler uitgetree en het verlede jaar as een van die Akademie se afrigters gewerk.

Die oud-Bok Barend Pieterse sal Stick se senior hulp-afrigter wees.

Carlos Spencer sal volgens Kempson ook van tyd tot tyd sy insette by die OP-Kings lewer.