Kaapstad Verander Area

Vandag


30°C / 17°C

Wind 23km/h


Reënval 0.0mm


Humiditeit 41%

Woensdag


22°C / 17°C

Wind 40km/h


Reënval 1.9mm


Humiditeit 63%

Donderdag


23°C / 15°C

Wind 19km/h


Reënval 2.8mm


Humiditeit 66%

Vrydag


23°C / 16°C

Wind 27km/h


Reënval 0.0mm


Humiditeit 61%

Saterdag


26°C / 16°C

Wind 22km/h


Reënval 0.0mm


Humiditeit 49%

Sondag


24°C / 16°C

Wind 18km/h


Reënval 0.0mm


Humiditeit 65%

Rugby

Griekwas lok nr. 9 van Blou Bulle

Deur Gerdie Karstens Donderdag 24 April 2014 9:43 nm.

Rudi van Rooyen

BLOEMFONTEIN. – Griekwas begin nou reeds hul skrumskakel-spens vul vir hul beoogde deelname aan die Premierliga van die Curriebeker-reeks later vanjaar.

Die Poubloues se Curriebeker-afrigter, Hawies Fourie, het bevestig dat die Noord-Kapenaars die Blou Bulle se Rudi van Rooyen na die Diamantstad gelok het.

Die 22-jarige Van Rooyen, wat op o.13- en o.18-vlak vir die Blou Bulle Cravenweek-rugby gespeel het, speel tans in die Vodacombeker-reeks vir die Ligbloues.

Hy was ook lid van die Tukkies-span wat in 2012 as die kampioen van die Varsitybeker-reeks gekroon is en het ook om die beurt vir die Blou Bulle se jong spanne uitgedraf.

“Rudi het aangedui dat hy vir ons wil speel, terwyl die Blou Bulle bevestig het hulle sal hom beskikbaar stel. Hy sal vir eers van Mei tot Oktober speel. Dit vul ons diepte lekker aan,” het Fourie gesê.

Griekwas sal breed glimlag oor Van Rooyen se koms, want dit beteken dat die Poubloues oor vier skrumskakels beskik.

Tian Meyer, Dustin Jinka en Ntando Kebe is reeds gevestig by die Poubloues, met Meyer en Jinka wat deel is van die Poubloues se 23-tal vir hul laaste groepwedstryd in die Vodacombeker-reeks, môre teen die Luiperds.

Meyer word as die eerste keuse beskou vir die komende ronde uitspeelwedstryde om Curriebeker-status.

Hy sal in Klerksdorp teen die Luiperds, wat ook in die kwalifiserende ronde Griekwas se grootste uitdaging sal wees, sy stempel wil afdruk.

* Die ervare skrumskakel Inus Kritzinger sal in maar net sy tweede wedstryd vanjaar vir die Griffons speel as hy môre in Kempton Park van die plaasvervangersbank kans kry in die Perses se laaste Vodacombeker-wedstryd, teen die Valke.

Griffons: Wynand Pienaar, Vuyo Mboto, Norman Nelson, Japie Nel, Aubrey McDonald, Franna du Toit, Oswill Nortjé, Nicky Steyn, Erik le Roux, Martin Sithole, Mlungisi Bali, Werner Lourens, Heinrich Roelfse, AJ le Roux (k), Danie van der Merwe. PLAASVERVANGERS: Deon Gouws, Franco van der Merwe, Wicus Davis, Boetie Groenewald, Inus Kritzinger, Werner Griesel, Tertius Maarman.