03 September 17:08
13°C / 19°C

Kaapstad Verander Area

Vandag


19°C / 13°C

Wind 11km/h


Reënval 0mm


Humiditeit 64%

Saterdag


21°C / 15°C

Wind 9km/h


Reënval 0mm


Humiditeit 62%

Sondag


22°C / 15°C

Wind 30km/h


Reënval 0mm


Humiditeit 63%

Maandag


15°C / 13°C

Wind 29km/h


Reënval 0mm


Humiditeit 86%

Dinsdag


14°C / 12°C

Wind 29km/h


Reënval 0mm


Humiditeit 71%

Woensdag


13°C / 11°C

Wind 31km/h


Reënval 14mm


Humiditeit 89%

Rugby

Wegner terug; Ferreira oorsee

Deur Hendrik Cronjé Dinsdag 13 Mei 2014 21:36

Carl Wegner in ’n stryd vir Stade Français. Foto: Getty Images

BLOEMFONTEIN. – Carl Wegner kom huis toe.

Die gewese slot van die Jong Bokkies sal hom reeds voor die Curriebeker-rugbyreeks by die Vrystaat-Cheetahs aansluit.

Hy vervang Andries Ferreira in die Cheetahs se groep. Ferreira gaan vir die Italiaanse klubspan Zebre speel.

Die sportagent BC du Plessis het aan Volksblad bevestig die 23-jarige Wegner sal tot einde 2015 vir die Cheetahs beskikbaar wees.

Dit beteken dat hulle in die komende Curriebeker-reeks uit slotte soos Francois Uys, Lood de Jager, Wegner en Waltie Vermeulen sal kan kies.

Uys het ook onlangs sy kontrak tot Oktober 2016 by die Cheetahs verleng.

Die veelsydige Oupa Mohoje het ook al gewys dat hy gemaklik op slot is, hoewel hy sy beste spel langs die kant van die skrum lewer.

Wegner het hom in 2012 van die Cheetahs by Stade Français aangesluit. Voor sy skuif, het hy goeie spel vir die Vrystaters gelewer en is sy besluit toe as ’n reuse-terugslag beskou.

Met slotte van gehalte soos Alexandre Flanquart, Scott LaValla, Gerhard Mostert, Pascal Papé, Anton van Zyl en Juan Cruz Guillemain het Wegner nie die wedstrydtyd by Stade Français gekry waarop hy gehoop het nie.

Hy het wel as ’n speler en ’n mens ontwikkel en sal die seun van die voormalige Vrystaatse haker, wyle Callie Wegner, met sy lengte (2.01 m) en gewig (117 kg) waardevolle diepte as ’n slot aan die Cheetahs bied.

Wegner sal Uys en De Jager terselfdertyd op hul tone hou.

Ferreira, wat sy skouer voor die Superrugby-wedstryd teen die Western Force beseer het, soek meer speelkans en hoop om dit by Zebre te kry.

Hy moes hier by die Cheetahs in die skadu van De Jager speel. Beserings het Ferreira ook verhinder om vir hom ’n gereelde plek in die Cheetahs se beginspan te bespreek.