08 Julie 06:28
14°C / 15°C

Kaapstad Verander Area

Vandag


15°C / 14°C

Wind 13km/h


Reënval 0mm


Humiditeit 86%

Donderdag


17°C / 13°C

Wind 16km/h


Reënval 0mm


Humiditeit 79%

Vrydag


17°C / 12°C

Wind 6km/h


Reënval 0mm


Humiditeit 81%

Saterdag


15°C / 13°C

Wind 27km/h


Reënval 4mm


Humiditeit 89%

Sondag


14°C / 12°C

Wind 24km/h


Reënval 5mm


Humiditeit 69%

Maandag


12°C / 10°C

Wind 23km/h


Reënval 0mm


Humiditeit 70%

Rugby

Skosana sit nou met huis in Baai, maar kontrak in George

Maandag 26 Mei 2014 20:53

Brian Skosana in aksie in die Baai toe hy nog ’n lid van die Kings was. Foto: Werner Hills

PORT ELIZABETH. – Die lewe van ’n beroepsrugbyspeler is nie altyd so wonderlik soos party mense dalk dink dit is nie.

Vra maar vir Brian Skosana, wat tot onlangs nog ’n kontrak gehad het om tot die einde van die seisoen vir die OP-Kings te speel.

Skosana het sedert verlede jaar in 19 wedstryde vir die Kings as senter of vleuel uitgedraf.

Enkele weke gelede het die Kings hul groep vir die Curriebeker-seisoen begin uitdun.

Met die koms van die Haaie-senter Tim Whitehead gaan hulle nou uit Ronnie Cooke, Dwayne Jenner, Shane Gates en Siyanda Grey kan kies. Scott van Breda kan ook ingespan word.

Waarheen dan met Skosana? Die Kings wil hom nie op vleuel kies nie, so wie kan hom gebruik?

Die SWD-Arende, dis wie. Sko­sana het bevestig dat hy hom oor ’n week by die Arende in George aansluit. Hy het ’n kontrak gesluit om tot die einde van die 2015-seisoen vir hulle te speel.

Hy sal onder andere met Daniel Roberts, Martin du Toit en Gerrit Smit om ’n plek meeding.

Noudat Skosana weer ’n span het om voor te speel, moet hy egter nog ’n huurder vir sy huis kry.

Hy het dié huis in die Baaise voorstad Richmond Hill maar onlangs gekoop en ten duurste gerestoureer. Die werk behoort oor ’n week of twee klaar te wees.

Teen daardie tyd sal Skosana al in George wees. Dalk moet hy by Whitehead hoor of hy al blyplek het? – Michael Green