Kaapstad Verander Area

Vandag


25°C / 16°C

Wind 26km/h


Reënval 0.0mm


Humiditeit 65%

Vrydag


22°C / 15°C

Wind 20km/h


Reënval 0.0mm


Humiditeit 54%

Saterdag


23°C / 14°C

Wind 22km/h


Reënval 0.0mm


Humiditeit 52%

Sondag


23°C / 15°C

Wind 20km/h


Reënval 0.0mm


Humiditeit 57%

Maandag


25°C / 17°C

Wind 19km/h


Reënval 0.0mm


Humiditeit 62%

Dinsdag


24°C / 15°C

Wind 19km/h


Reënval 0.0mm


Humiditeit 56%

Kuns en Vermaak

Cairns vertolk 3 rolle in komedie

Sondag 19 Mei 2013 11:55 nm.

Ná die sukses verlede jaar van hul solokomedie Sunday Morning span die regisseur Jenine Collocott en haar man, die skrywer Nick Warren, weer saam om die solokomedie Dirt na Johannesburgse gehore te bring.

Dirt is van 28 Mei tot 8 Junie in die Theatre on the Square in Sandton op die planke.

James Cairns vertolk die rolle van Grant, Sam en Wayne.

Dié drie boesemvriende is in ’n motor van Johannesburg na Kaapstad onderweg om hul ontslape vriend se begrafnis by te woon.

Dis die eerste keer wat die drie weer saam is, nadat elkeen byna ’n jaar lank sy eie gang gegaan het.

Tydens die reis vlieg insinuasies, beledigings en beskuldigings oor en weer soos wat die vriende probeer om die verlede op te diep en die hede te begrawe.

Grant is op sy senuwees om ’n lofrede te lewer vir ’n man wat hy bewonder het, maar vir wie hy nooit kon kers vashou nie.

Sam is steeds kwaad oor die laaste keer wat hulle mekaar gesien het en kan nie die noodsaak van mansvriende insien nie.

Wayne is hartseer dat hul vriend dood is, maar kan nie help om te dink dis nóú die kans om van die vriend se hond met sy lastige gewoonte ontslae te raak nie.

Die drie kom by die graf aan met ’n paar verrassende insigte oor die aard van vriendskap.

• Kaartjies kos R120 stuk. Bespreek by die teater by 011 883 8606, Strictly Tickets by 082 553 5901 of www.strictlytickets.com.