Kaapstad Verander Area

Vandag


24°C / 15°C

Wind 37km/h


Reënval 0.0mm


Humiditeit 62%

Saterdag


25°C / 15°C

Wind 36km/h


Reënval 0.0mm


Humiditeit 53%

Sondag


28°C / 17°C

Wind 24km/h


Reënval 0.0mm


Humiditeit 46%

Maandag


25°C / 16°C

Wind 28km/h


Reënval 0.0mm


Humiditeit 63%

Dinsdag


25°C / 16°C

Wind 33km/h


Reënval 0.0mm


Humiditeit 62%

Woensdag


22°C / 16°C

Wind 27km/h


Reënval 0.2mm


Humiditeit 77%

Nuusflitse
Twee vas ná Kagiso-rooftog Busongeluk in Nepal eis 14 Wapendepot van IS in Irak vernietig Polisie in New York met 'n byl aangeval Dokter vas nadat vrou op operasietafel sterf Ebola laat gesondheidswerker na Ivoorkus vlug Gasontploffing in Pole eis drie gesinslede Ebola: Japan se Clever-maatskappy skenk ‘slim’ gesigsmaskers Indië beskerm vlermuise teen vuurwerk Plaasaanval: Seun hardloop 3 km om hulp te soek Derek Swemmer verlaat Kovsies Kernkrag: SA en Rusland ontmoet in Drakensberge ‘Fotobom bom Collins-woordeboek’ Japanse staatslui gebruik departementsgeld in seksklub Rowers blaas kitsbank op, vlug met geld Vry word op Zimbabwe-kampus verbied KZN: Vrou sterf in tref-en-trap-ongeluk Oscar: Belastingbetalers gaan opdok OB benodig R64 miljoen Gat in staat se sak kan tot hoër belasting lei Senzo Mchunu se vrou moet uit pos bedank - IVP Snik, gemmerkoekies word geslagloos Indonesië onderskep Australiese vliegtuig Duitsland stuur tieners terug wat glo by IS wou aan sluit KZN-mans lank tronk toe vir verkragting Kerkramp: Suid-Afrikaners se lyke steeds nie terug nie Heyns-moordsaak: Broer gaan dalk teen broer getuig SOE: Wil nie Nkandla-eis instel teen Jacob Zuma Oscar Pistorius: Eerste dag in die tronk Bloemfonteiners is ongesond, Kapenaars gesond Joodse mans ontevrede oor vroue-advertensies 5 jaar vir Pistorius Wraak-porno: Facebook moet IP-adresse verskaf Neusselle laat verlamde man wéér loop Oscar se beproewing sal nóóit verby wees nie - Aimée Bejaarde egpaar al vier keer beroof Oscar de la Renta sterf Weduwee onthul hoe PW nee sê vir staatshulp
Kuns en Vermaak

Drama gedy in vele gedaantes in Grahamstad

Maandag 20 Mei 2013 1:19 vm.

Die werk van die bekroonde dramaturg Mike van Graan is in die kollig op vanjaar se Nasionale Kunstefees wat van 27 Junie tot 7 Julie in Grahamstad plaasvind.

Van Graan is onlangs aangewys as dié fees se eerste feesdramaturg.

Met dié feesdramaturg-inisiatief sal die Nasionale Kunstefees voortaan jaarliks die kollig laat val op ’n aansienlike korpus werk deur ’n Suid-Afrikaanse dramaturg.

Vier Van Graan-stukke word in samewerking met Kunstekaap op die fees opgevoer.

Van Graan se jongste toneelstuk, Writer’s Block, sal sy première op dié fees hê.

Daarbenewens sal sy toneelstukke Brothers in Blood (2009), Panic (2013) en Rainbow Scars (2013) ook te sien wees.

Writer’s Block gaan oor ’n skrywer wat Suid-Afrika in die laat 1990’s verlaat het en sedertdien met die konsepte van waarheid en vergifnis worstel.

Brothers in Blood ondersoek verhoudinge tussen Jode, Moslems en Christene teen die agtergrond van Pagad se optrede teen misdaad en die dwelmhandel in die 1990’s.

Panic is ’n solokomedie met die skerpskertser Siv Ngesi waarin oor klimaatsverandering besin word.

Rainbow Scars konfronteer die hedendaagse spanning tussen ryk en arm, tussen “vrygeborenes” en diegene wat die las van die verlede met hulle saamdra, en tussen ’n nie-rassige elite en ’n oorwegend swart onderklas.

Johannesburg se Markteater neem die toneelstukke Woza Albert! (geregisseer deur vanjaar se Standard Bank Jong Kunstenaar vir teater, Prince Lamla), The Line (Gina Shmukler), Cadre (Omphile Molusi) en The Island (John Kani) na Grahamstad.

Lamla regisseer ook Mbongeni Ngema se Asinamali (1985), ’n gesamentlike produksie van die Soweto-teater, die Markteater en die Nasionale Kunstefees.

Ngema se nuutste toneelstuk, The Zulu, ’n gedramatiseerde weergawe van die gebeure wat tot die Anglo-Zoeloe-oorlog van 1879 aanleiding gegee het, sal ook sy première op die fees beleef.

Kobus Moolman se toneelverwerking van Zakes Mda se roman Madonna of Excelsior – oor 19 swart inwoners van dié township wat aangekla word van die oortreding van die Ontugwet wat seks tussen swart en wit mense verbied – is ook op die fees te sien.

Die drama fokus op een van die wit meisies en haar gesin wat in die middelpunt van die skandaal is.

Tim Plewman van Defending the Caveman-faam is ook terug op die verhoog in The Last Moustache, ’n solosatire wat ’n mens herinner dat wat as die waarheid voorgehou word, dikwels ver daarvan verwyderd is.

Die satirikus Pieter-Dirk Uys bied die gehoor ’n terugblik op sy loopbaan van 38 jaar in An Audience with Pieter-Dirk Eish!.

Daar is ook ’n stewige aanbod toneelstukke van oorsee op die fees te sien.

Kate Liquorish is op die verhoog in die Britse akteur Alan Rickman se My Name is Rachel Corrie, ’n toneelstuk gegrond op die dagboeke en epos van dié Amerikaanse menseregte-aktivis, wat in 2003 in die Gasa-strook deur ’n stootskraper van die Israelse weermag doodgery is.

Die regisseur is Jaqueline Dommisse.

Die Amerikaanse dramaturg Tom Coash se Cry Havoc, ’n liefdesverhaal wat ook in die konflikgeteisterde MiddeOoste afspeel, word deur die UJ-teater van die Universiteit van Johannesburg fees toe geneem.

David Dennis en Brenda Radloff vertolk die hoofrolle.

Die Kanadees Morris Panych se veelbekroonde swart komedie Vigil – oor ’n man se gesprekke met sy sterwende tante – beleef ook sy Suid-Afrikaanse première op die Grahamstad-fees.