02 September 20:53
12°C / 18°C

Kaapstad Verander Area

Vandag


18°C / 12°C

Wind 10km/h


Reënval 0mm


Humiditeit 69%

Vrydag


18°C / 13°C

Wind 11km/h


Reënval 0mm


Humiditeit 66%

Saterdag


22°C / 15°C

Wind 14km/h


Reënval 0mm


Humiditeit 56%

Sondag


20°C / 15°C

Wind 31km/h


Reënval 0mm


Humiditeit 67%

Maandag


15°C / 13°C

Wind 29km/h


Reënval 4mm


Humiditeit 81%

Dinsdag


14°C / 9°C

Wind 21km/h


Reënval 0mm


Humiditeit 72%

Vermaak

Werk oor vullis in see tref op biënnale

Vrydag 31 Mei 2013 01:20

Maria Cristina Finucci by haar installasie The Garbage Patch State. Foto: Stefano Rellandini, REUTERS

Die 55ste Venesiese Biënnale begin môre amptelik in dié Italiaanse waterstad.

Een van die uitstallings – weliswaar nie op die amptelike Biënnale-program nie – wat nog voor die amptelike opening die aandag van die media getrek het, is die van die Italiaanse kunstenaar Maria Cristina Finucci.

Finucci (56) vestig in haar werk The Garbage Patch State die aandag op die vyf drywende vullishope in die see, onder meer ook in die noordelike Stille Oseaan.

Die presiese grootte van die “kolle afval” is volgens die Amerikaanse nasionale oseanografiese en atmosferiese administrasie moeilik bepaalbaar.

Volgens Finucci is een van dié kolle, so groot soos die Amerikaanse deelstaat Texas en sowat 30 m diep, grootliks onsigbaar vir die oog omdat die afval, hoofsaaklik plastiek, mettertyd verweer. Dit verdwyn egter nooit.

Vroeër vanjaar het Finucci met duisende veelkleurige plastiekproppe die aandag gekry van Unesco in Parys, Frankryk.

Dié organisasie het toe simboliese status verleen aan die “Garbage Patch-staat”.

Vir haar uitstalling in Venesië het Finucci saam met die Ca’Foscari-universiteit ’n Garbage Patch-paviljoen ingerig wat bestaan uit twee 5 m²- drywende houers oorgetrek met ’n weerkaatsende materiaal wat dit “byna onsigbaar maak, soos die regte Garbage Patch”.

Daarmee saam strek ’n net met plastiekproppe uit die water oor ’n muur in die rigting van die stad se Groot Kanaal.

“Ek wil nie ’n apokaliptiese boodskap oordra nie,” sê Finucci. “Ek hoop net mense begin hul gedrag (wat rommel betref) verander.”

Besoek ook die webblad www.education.nationalgeographic.com/education/encyclopedia/great-pacific-garbage-patch.

• Suid-Afrika is ook vanjaar verteenwoordig op die Biënnale. Om digitaal toegang te kry tot dié en ander uitstallings op die Venesiese Biënnale besoek die webblad www.myartguides.com/venice-art-biennale-2013/art-biennale/national-participations/item/439-south-africa.