Kaapstad Verander Area

Vandag


25°C / 18°C

Wind 23km/h


Reënval 0.7mm


Humiditeit 69%

Saterdag


25°C / 16°C

Wind 27km/h


Reënval 3.6mm


Humiditeit 49%

Sondag


30°C / 16°C

Wind 36km/h


Reënval 0.0mm


Humiditeit 36%

Maandag


33°C / 17°C

Wind 21km/h


Reënval 0.0mm


Humiditeit 29%

Dinsdag


27°C / 18°C

Wind 28km/h


Reënval 0.0mm


Humiditeit 58%

Woensdag


24°C / 16°C

Wind 33km/h


Reënval 0.1mm


Humiditeit 51%

Nuusflitse
Ocean Basket moet sy vis regkry op spyskaart Eugene de Kock kry parool Man kry toesig oor babas van surrogaatma’s Bloemfonteinse polisieman sterf in motorfietsongeluk Ontvoerde Duitsers in Paraguay dood gevind Van Breda's: Vriendin van gesin neem haar eie lewe Bedfordsentrum: Transito-baasbrein vas Treinwa ontspoor in Kaapstad Rentekoers bly onveranderd Max du Preez kry nuwe ‘tuiste’ Vrou in haar Witbank-huis aangeval ​Gene Hackman-gerugte is onwaar AirAsia-ramp: Mede-vlieënier het vliegtuig gevlieg Islamitiese Staat verleng sperdatum vir terroris se vrylating Thomas Ferreira se lewe 'beëindig' - landdros Bylmoorde: Pa was bekommerd oor misdaadsituasie ​Johnny Depp herstel van ‘chupacabra-aanval’ ​Voltaire se boek ’n topverkoper ANC wil grondbesit beperk Polisie speel groot rol in ernstige misdaad - SAIRV Krokodil byt man van Pretoria aan been 4 mense sterf in bankdrama in Rusland De Zalze-bloedbad: 16-jarige is nog kritiek Beweerde metropolisie-roof: 2 verskyn in hof IS eis vrylating van terroris in ruil vir gyselaars Belastingbetalers dok op vir Ace Magashule se 72 gaste in Kuba 3 gesinslede dood in bloedbad by gholflandgoed Belfast-stadsraad: ‘Vermy vis op straat’ Vegvliegtuig stort neer: Dodetal styg tot 11 ANC gaan vir Selebi-begrafnis betaal 7 huiskomiteelede van Potch voorlopig geskors 3 mense op De Zalze vermoor Metropolisie beroof glo ma, 2 kinders Fliek oor FW de Klerk draai in die VSA Facebook-gebruikers ruk lank ‘in duister’ 10 dood toe vegvliegtuig teen ander vliegtuie bots Brandfort: Oë rek oor reuse-uitgawes Top-spioen in hof oor bedrog
Kuns en Vermaak

Voëlkykers bied lekker ligte vermaak

Vrydag 28 Junie 2013 21:30

Bronwyn Gottwald as Venice, Russel Savadier as Harper, Michael Richard as Finlay en Louise Saint-Claire as Maddie in Twitch, wat tans in die Pieter Toerien-teater by Montecasino op die planke is.

Rudolf Stehle

Twitch

Pieter Toerien-teater, Montecasino, Fourways

Soos enigeen wat ’n stokperdjie met oorgawe beoefen, kan voëlkykers gedrag toon wat vir hulle dalk doodnormaal is, maar vir buitestanders obsessief-kompulsief kan voorkom.

Dit is dié lagwekkende gedrag wat Robert Fridjhon in die oortreffende trap in sy komedie vasvang.

Die stuk speel af in ’n houtskuiling langs ’n rivier in die Krugerwildtuin waar twee pare die omgewing se geveerdes in hul natuurlike habitat dophou vir ’n voëlkykkompetisie.

Die viertal bestaan uit die paleoantropoloog Harper ­(Russel Savadier) en sy bemarker-vrou, Venice (Bronwyn Gottwald), en die myningenieur Finlay (Michael Richard) en sy vrou, Maddie (Louise Saint-Claire), ’n huisvrou.

Harper en Finlay is lede van ’n voëlkykklub.

Dié twee gesoute voëlkykers is heeltemal in vervoering met die taak op hande: om verkyker-in-die-hand die eerste prys – ’n besoek aan die Mala Mala-reservaat – in te palm.

Finlay samel terselfdertyd data in vir ’n nuwe voëlboek wat hy onder die klub se vaandel wil uitgee.

Venice en Maddie is allermins voëls van eenderse vere.

Maddie kan skaars voorbly met die opteken van die voëls wat bespeur word, terwyl Venice haar op ’n afstand bemoei met haar selfoon en insekbyte.

Eienaardige voëlkyk-maniërismes en mededingende gedrag word deur die twee mans tot die uiterste gevoer.

In Twitch is voëlkyk egter ’n bysaak.

Dit is in die interaksie en gesprekke tussendeur die voëlkyk deur wat die ware drama tussen die uiteenlopende karakters afspeel.

Kort voor lank skilfer die dun lagie beskawing af wanneer die paartjies aan mekaar begin skaaf. Die warm gesprekke gaan draai selfs by godsdiens, evolusie, die skepping en natuurbewaring.

Die kwinkslae kwetter behóórlik en beledigings word soos modder gegooi.

Finlay se onophoudelike godslastering in die teenwoordigheid van die godsdienstige Venice, asook Harper se onthulling dat Finlay uit die klubbestuur geskop gaan word, laat alle hel teen die einde van die eerste bedryf losbars.

Die tweede bedryf is egter oorwegend futloos wanneer die konflik opgelos word. Daar is geen kinkel aan die einde nie.

Die akteurs kruip nietemin behoorlik onder die velle van hul karakters in en Steven Stead se kostuums is nommerpas.

Twitch bied lekker lawwe vermaak, sonder om die brein moeg te maak.

  • Tot 14 Julie