Kaapstad Verander Area

Vandag


22°C / 13°C

Wind 17km/h


Reënval 0.3mm


Humiditeit 67%

Sondag


24°C / 12°C

Wind 22km/h


Reënval 0.0mm


Humiditeit 53%

Maandag


26°C / 12°C

Wind 20km/h


Reënval 0.0mm


Humiditeit 47%

Dinsdag


27°C / 13°C

Wind 14km/h


Reënval 0.0mm


Humiditeit 39%

Woensdag


20°C / 12°C

Wind 12km/h


Reënval 0.9mm


Humiditeit 77%

Donderdag


23°C / 10°C

Wind 23km/h


Reënval 0.0mm


Humiditeit 51%

Kuns en Vermaak

Oprah 'jammer' oor handsak-bohaai

Deur ap Dinsdag 13 Augustus 2013 17:27

Oprah Winfrey Foto: Argief

LOS ANGELES. – Die TV-persoonlikheid Oprah Winfrey het om verskoning gevra oor ’n mediastorm wat sy veroorsaak het oor ’n onlangse reis na Switserland.
“Ek dink die voorval in Switserland was net ’n voorval in Switserland. Ek is regtig jammer dat dit opgeblaas is. Ek het doelbewus nie die naam van die winkel genoem nie. Ek is jammer dat ek gesê het dit was Switserland,” het Winfrey by die première van Lee Daniels se rolprent The Butler gesê.
“Ek het daarna verwys as ’n voorbeeld om in ’n plek te wees waar mense nie verwag jy sal wees nie.”
Winfrey het onlangs aan ’n Amerikaanse televisieprogram vertel dat sy onlangs vir die sangeres Tina Turner se troue in Switserland was. In Zürich het sy by ’n deftige boetiek ingestap en gevra om na ’n handsak van $38 000 (sowat R378 000) te kyk.
Die winkelassistent het haar blykbaar nie herken nie, en geweier: “Nee, nee, jy wil nie na daardie een kyk nie, want jy sal dit nie kan bekostig nie.”
Die eienaar van die winkel, Trudie Goetz, en toerisme-owerhede in Switserland het om verskoning gevra, maar Winfrey het gesê dit was nie nodig nie.