31 Augustus 02:33
14°C / 14°C

Kaapstad Verander Area

Vandag


14°C / 14°C

Wind 46km/h


Reënval 9mm


Humiditeit 90%

Dinsdag


16°C / 14°C

Wind 39km/h


Reënval 0mm


Humiditeit 74%

Woensdag


17°C / 12°C

Wind 24km/h


Reënval 0mm


Humiditeit 70%

Donderdag


19°C / 12°C

Wind 17km/h


Reënval 0mm


Humiditeit 63%

Vrydag


19°C / 13°C

Wind 12km/h


Reënval 0mm


Humiditeit 61%

Saterdag


22°C / 15°C

Wind 15km/h


Reënval 0mm


Humiditeit 49%

Vermaak

Bekendes vra vir wetgewing teen steelfotograwe

Deur ap Woensdag 14 Augustus 2013 13:46

LOS ANGELES. – Die Hollywood-aktrises Halle Berry en Jennifer Garner het wetgewers in Kalifornië gevra om ’n wetsontwerp te ondersteun wat swaarder strawwe sal oplê aan steelfotograwe wat bekendes en hul kinders teister.

In ’n emosionele getuienis het Garner Dinsdag aan Kalifornië se senaatskomitee gesê sy en haar kinders word oral agtervolg. 

Die nuwe wetsontwerp sal die definisie van teistering verander sodat dit die fotografering van kinders sonder die toestemming van ’n wettige voog insluit.

“Hulle vloek my en sê my sleg net om ’n reaksie te ontlok, sodat hulle’n foto kan verkoop,” het Berry Dinsdag aan ABC News gesê.

Berry, wat swanger is, sê die teenwoordigheid van fotograwe het veroorsaak dat haar dogter bang is om skool toe te gaan.

Die aktrise het verduidelik dat ’n steelfotograaf haar vyfjarige kind eenkeer gevra het: “Hoe voel jy Nahla? Jy gaan dalk nooit weer jou pa kan sien nie. Hoe voel jy daaroor?”

Die 46-jarige Berry het bygevoeg dat haar dogter gereeld vra hoekom hulle agtervolg word.

Garner was na aan trane toe sy beskryf het hoe steelfotograwe haar en haar drie kinders daagliks teister.

“Ek het ’n openbare lewe gekies...[maar] my drie kinders is private burgers. Ek het hulle lief. Hulle is pragtig en onskuldig en ek wil nie hê dat ’n groep gillende, bakleiende fotograwe my kinders traumatiseer nie,” sê Garner.

Sommige media-organisasies is teen die wetgewing gekant en sê dit sal hul vermoë beperk om nuus in te samel.