Kaapstad Verander Area

Vandag


23°C / 16°C

Wind 20km/h


Reënval 0.2mm


Humiditeit 61%

Saterdag


25°C / 16°C

Wind 24km/h


Reënval 0.0mm


Humiditeit 59%

Sondag


26°C / 17°C

Wind 17km/h


Reënval 0.0mm


Humiditeit 65%

Maandag


24°C / 16°C

Wind 34km/h


Reënval 0.1mm


Humiditeit 64%

Dinsdag


23°C / 16°C

Wind 40km/h


Reënval 0.0mm


Humiditeit 60%

Woensdag


25°C / 16°C

Wind 36km/h


Reënval 0.0mm


Humiditeit 55%

Nuusflitse
Vrou sterf toe vragmotor op haar motor rol ‘Ebola-chaos’ by Beitbrug Man vas wat huishulp aanrand Man aangekeer wat katte vir dwelmsmokkelary gebruik Universiteite breek bande met Bill Cosby Dief steel lykswa met lyk steeds binne in Matriekmeisie gee geboorte voor skool, los glo baba Seun op soek ná wolkbreuk Hoë risiko vir beurtkrag dié naweek Kaapse man steek glo vrou in Auckland dood 'Pop trek Steve Hofmeyr se toutjies' Brit onder 5 wat sterf in Afganistan-bomaanval Man gevonnis vir dubbele moord in Beaufort-Wes Mandela se dood in Desember herdenk Lewe glo te moeilik: 98-jarige skiet homself en vrou Skoon oudit vir Gautrein Nog swaar reën vir Gauteng voorspel Burgermeestersdrama in Mokopane: SAPD ontplooi Kapenaar moor glo gewese vrou in Nieu-Seeland Wladimir Poetin se bankier deur interpol gesoek Dominee spontaan toegejuig toe kerk se ligte aangaan Grapjas se optrede het Steve Hofmeyr diep seergemaak Jacob Zuma se mond gesnoer toe hy oor ANC wou praat China: 26 sterf in brand by steenkoolmyn IS ‘mees brutale bedreiging nog’ – Angela Merkel Steve Hofmeyr: Konsert glo R5 miljoen kwyt Man urineer in vliegtuig se gang Grypdief laat spaander met handsak, R5 000 Opgekapte lyk in Kampsbaai gevind Gedwonge verhuising staar advokate in die gesig Man ontevrede oor vroue-universiteite Seun kan nie matriek voltooi weens aanranding Boksombende help vir Blikkies met heupvervangings 'Eenhoring' kry groot belangstelling Munisipale Eskom-skuld buite beheer
Kuns en Vermaak

Meditatiewe kuns uit klip gekap

Deur Johan Myburg Vrydag 16 Augustus 2013 12:04 vm.

Op ’n baai waar die see jare lank al rondgerolde klippe versamel, loop Wongil Jeon geboë met ’n langsteel 12-pond-hamer, sy oë soekend na die regte klip.

“Min of meer die grootte van ’n mens se kop,” verduidelik hy.

Jeon is een van die kunstenaars wat deelneem aan die Site_Specific-landkunsbiënnale wat môre in Plettenbergbaai in die Suid-Kaap ten einde loop.

Sy hamer het hy saamgebring van Seoel in Suid-Korea, die plek waar hy woon en werk.

En as hy ’n klip kry wat aan sy vereistes voldoen, maak sy oog ’n merk waar sy hamer met ’n swaaibeweging die klip tref en splyt: twee halfrondes wat netjies oopgebars op die sand lê.

Die helftes word een op ’n slag water toe gedra en net bokant die waterlyn gehou waar die uitspoelende brandertjie teen die klip opspat. Die spatlyn teken Jeon met ’n wit viltpen na, plaas die klip noukeurig by die ander helftes en dra die volgende een see toe om bespat te word.

Daarna soek hy na die volgende klip, swaai die hamer en klief die klip in twee.

Omdat bewaring en die minste versteuring van die natuur moontlik hoog op belangelyste is, val Jeon se gewelddadige benadering ’n mens op. Jare lank het ’n mens gewoond geraak aan die gedagte dat jy niks breek nie en dat jy net voetspore nalaat.

“Yatoo,” begin Jeon. “ ‘Ya’ beteken natuur en ‘too’ om te gooi. Dit is die benadering wat ek volg.”

Volgens Jeon kyk ’n mens as ’t ware deur ’n dun gordyn na die wêreld. Jy moet eers déúr daardie gordyn gaan om werklik te kan sien en te hoor wat die natuur sê.

“Dan eers snap ’n mens die naatlose verband tussen strome en berge, tussen lewende en nié-lewende elemente, tussen wind en skadu’s.”

Die meditatiewe aspek van Jeon se werk blyk onder meer uit sy tekeninge op rivierklippe: Met ’n takkie as stilus en water as ink teken hy patrone op klippe.

Net om starend te sit en kyk hoe die patrone verdwyn namate die klippe droog word.

Vir die Plettenbergbaai- biënnale pak Jeon die kliphelftes netjies uit in ’n kring en verbind die wit lyne op die klippe sodat dit ’n kartelende, dog ononderbroke lyn vorm.

“Die landkunstenaar voer ’n stil gesprek met die natuur,” sê Jeon. “Dit is die natuur wat die rigting van die kunswerk aandui.”

As die gety inkom, spoel die gekapte klippe met die skerp kante toe onder die sand. Die wit lyne vervaag en verdwyn. Die maal- en spoelproses begin. En mettertyd vergeet die klippe Jeon was daar. En onthou dit terselfdertyd.