Kaapstad Verander Area

Vandag


23°C / 14°C

Wind 32km/h


Reënval 0.0mm


Humiditeit 45%

Saterdag


25°C / 16°C

Wind 32km/h


Reënval 0.0mm


Humiditeit 50%

Sondag


26°C / 16°C

Wind 28km/h


Reënval 0.2mm


Humiditeit 58%

Maandag


20°C / 15°C

Wind 23km/h


Reënval 24.6mm


Humiditeit 85%

Dinsdag


21°C / 16°C

Wind 14km/h


Reënval 2.8mm


Humiditeit 76%

Woensdag


23°C / 16°C

Wind 33km/h


Reënval 0.0mm


Humiditeit 63%

Nuusflitse
4 werkers sterf toe brug ineenstort Man val laerskoolkinders met mes aan 4 mense dood en 14 beseer in ongelukke op Van Reenenspas Sataniste soek swart katte in Hongarye Man dood in Tafelberg-tragedie Zambiër vas oor hy in lug skiet ná president se dood ‘Hongarye sit internetbelasting eers op ys’ Miley Cyrus se rok skok Man ontnugter met droomvrou, wurg haar Rowers grawe tonnel om bank te beroof Vermeende verkragter gesoek MH370: Seuns dagvaar oor pa se “dood” Beroemde bokskryt glo gesteel Thuli Madonsela: Jy's nie bo die reg, JZ 13-jarige ontvoer: 'Toestande in ouerhuis nie noodwendig sleg' Steve Hofmeyr ken nie apartheid - Virginia Keppler Klimmer sterf op Nepal-berg Eerste renoster in Etosha gestroop Taxi-eienaar doodgeskiet in Jhb-middestad Werkloosheid hier om te bly Twee mans aangekeer ná skietvoorval Toeristemoord: Mianmar-verdagtes gaan weer getoets word Duitse toeris dood in Australiese park gekry Vodacom: Klante se besonderhede glo bekendgemaak Ebola: Verpleegster in VSA weier kwarantyn Vermeende ontvoerder van meisie (13) vandag in hof Nóg bewyse dat Ellen Tshabalala jok oor graad Gesteelde skape in vrou se slaapkamer gevind Fransman sterf ná 56 sopies 14 dood, 300 vermis ná grondstorting in Sri Lanka ​Kommer oor TB en diabetes-epidemie Kiwi's gaan stem oor nuwe vlag ​Rusland bied hulp aan na vuurpyl-ontploffing ​VN aanvaar resolusie oor Kuba Hoogswanger Thandi Bocibo by hospitaal weggewys Vermiste Casandra Lottering (13) is gevind Die Leeu, die Jakkals en die Perske maak musiek Wilde sampioene maak gesin siek Ebola: Switsers sê ja vir eksperimentele entstof Sanger Bobby beroof Kroonprinses Masako hou eerste banket in 11 jaar Kambodja: Broers sterf in handgranaatontploffing Tienerseun vas wat kleuter glo verkrag, vermoor Chinese toeriste in Durban-ongeluk beseer Oscar Pistorius: 4 gronde vir appèl Wes-Kaap: Alan Winde wil grondhervorming aanpak Senzo Meyiwa: Gemeenskap moet die polisie help
Kuns en Vermaak

Kwartet se ensemblewerk beïndruk veral

Maandag 02 September 2013 9:34 nm.

Paul Boekkooi

UP Simfonieorkes: Colourful Concert Kaleidoscope

Aula, UP, Pretoria

Dis fantasties wanneer klassieke musiek werklik deel word van die breë gemeenskap.

Dít gebeur gereeld by die UP-Simfonieorkes se konserte.

Ook by dié een, waarby vier kore, ses vokale soliste, twee pianiste en ’n orrelis betrokke was.

Die UP-konsertkoor, -Camarata, -Ovuwa Cultural Ensemble en -Jakaranda-kinderkore het gesamentlik stukrag verleen aan die Johannesburgse komponis Mokale Koapeng se immer aangrypende vredesgesang Khutso. Dié massakoor se uitvoering, met sy stadig deinende ritme, was op ’n peinsende wyse meevoerend.

Hierna was Beethoven se selde uitgevoerde Koorfantasie, op. 80, aan die beurt. Baie musikoloë beskou dit as ’n “vooroefening” vir sy Koorsimfonie (No. 9). Met die klavier sentraal tot die werk, ’n koor, orkes en ses vokale soliste, het dit sy sjarmes, maar die ietwat losse struktuur is skaars een daarvan.

Tog het die dirigent Eric Rycroft se klassiek korrekte benadering daartoe oortuig, terwyl die pianis Willem de Beer musikaal-struktureel ’n uitdagende taak met by tye ongelooflik weloorwoë dinamiese kontraste volvoer het. Vir ’n 21-jarige besit hy ’n volwassenheid waarmee hy Beethoven se doelstellings duidelik aan die gehoor kon oordra.

’n Opmerking: Met meer krag van die skouers in plaas van net rondom die voorarms, sal byvoorbeeld die dubbelforte-akkoorde aan diepteresonansie wen.

Die vokale soliste – Hanli Stapela, Deirdre Blignaut-Rautenbach (soprane), Annemarie Steenkamp (mezzo-sopraan), Sandile Mabaso, Mxolisi Duda (tenore) en Mzwandile Mabuza (bariton) – het hul lied tot lof van musiek met ryke frasering en verfynde diksie voorgedra.

Die koor het hom volledig daarby aangesluit.

Wessel van Wyk het met sy gebruiklike standvastigheid en erns Gershwin se Rhapsody in Blue uitgevoer, met ’n orkes wat gepas om hom baljaar het.

Stapela, Blignaut-Rautenbach, Mabaso en Duda het selfs met méér geesdrif as wat die borrels in hul gevulde sjampanjeglase sou kon suggereer die “Brindisi” uit Verdi se La traviata gesing. Dit is uiters moeilik om oombliklik ’n teatersfeer te vestig, maar dié kwartet het met hegte ensemblewerk en genuanseerde vokale projeksie daarin geslaag.

Jaco Prinsloo, gebore in 1991 en hoof-Fransehoringspeler van die UPSO, het sy orrelvirtuositeit en -musikaliteit met ’n asem-wegslaan-effek op die toehoorders gedemonstreer in die Allegro assai uit Guilmant se Simfonie no. 1 vir orrel en orkes.

Ten slotte was daar Tsjaikowski se 1812-ouverture.

Rycroft se besluit om alle moontlike koorgedeeltes daarin terug te plaas, het bygedra tot ’n anderste, minder steriele ervaring as wat ons gewoonlik beleef.

Die idee om Russiese en Franse vlae in te span om aan te dui wanneer die temas dié lande se oorsprong verteenwoordig, was eweneens gepas.