Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
Aandele: Koop ek nou of later?
4 April 2019

Ek skryf gereeld dat mens óf moet wag vir ’n maatskappy om sy resultate bekend te maak óf om vóór die bekendmaking te koop. Lesers vra my dikwels uit oor die verskil.

Dis ’n billike vraag. En moeilik om te antwoord. Maar dit gaan dikwels oor die opweeg van bekende en onbekende risiko’s.

Neem byvoorbeeld die onlangse resultate van Aspen. Met die aandeel wat teen ongeveer R130 tot R140 per aandeel voor die aankondiging van sy resultate verhandel het en met ’n prys-verdienste-veelvoud (p/v) van ongeveer 11 keer, lyk dit nogal goedkoop – selfs met die bestuur wat meen dat inkomstegroei met tussen 1% en 4% gaan groei. Dit kan as matige groei in inkomste beskou word.

Ook noemenswaardig was die gebrek aan leiding aangaande groei in wesensverdienste per aandeel (WVPA). Daar was baie faktore wat onbekend was. Bykomend tot hierdie onsekerheid was die skuldsituasie van die maatskappy. Aspen het voorheen skuldooreenkomste verbreek, wat die verkoop van sy melkformule-onderneming moes regstel.

Maar die maatskappy het die mark onlangs met afwaartse potensiaal met betrekking tot ’n reeks resultate verbaas. Die risiko’s was dus hoog. Maar as die resultate wonderlik was, sou die aandeelprys herstel het en sou kopers ’n hoër prys moes betaal het.

In hierdie geval was die resultate egter swakker en het die aandeel teruggesak. As jy dus gewag het, sou dit die moeite werd gewees het. Dit sou miskien beteken het dat jy ’n hoër prys betaal, maar dié hoër prys gaan gepaard met minder risiko.

En dit is uiteindelik wat beleggers wil doen – hul risiko bestuur. Soms sal beleggers ’n redelike idee hê van wat om voor ’n aankondiging van resultate te verwag. Indien dit die geval is, sal jy meer op jou gemak wees met wat met betrekking tot risiko verwag word.

Die besluit om te wag (of nie) vir resultate om bekend gemaak te word alvorens daar belê word, hang af van die onsekerheid van daardie komende resultate.

Sasol* is ’n goeie voorbeeld. Sy resultate was in hoofsaak soos beleggers verwag het. Bedrywighede by sy Lake Charles-aanleg gaan afskop, wat beteken dat besteding by die aanleg nou ten einde loop. Dit beteken hy kontantvloei gaan begin genereer, wat waarskynlik dividende gaan lewer.

Die verrassing hier is die effense vertraging by die Lake Charles-projek. Daar was sprake van vertragings, maar dis onwaarskynlik dat enige vertraging wesenlik sal wees. Ja, dit sal enige wins wat die onderneming maak verder in die toekoms in stoot, maar die wins sal wel mettertyd kom. Die besluit om te wag (of nie) vir resultate om bekend gemaak te word alvorens daar belê word, hang af van die onsekerheid van daardie komende resultate.

Meer sekerheid beteken nie noodwendig dat jy reg gaan wees nie, maar jy sal in alle waarskynlikheid meermale reg as verkeerd wees. As jy oor die komende resultate twyfel, is dit gewoonlik wys om te wag en kyk wat gebeur. Dit beteken dat ek dikwels met ’n lys aandele sit waarvan ek hou, maar wag vir meer sekerheid voordat ek ’n besluit neem. Ek moet ook noem dat hoe langer jy moet wag vir sekerheid, hoe meer neem die moontlike risiko toe.

Vivo Energy
Vivo Energy (Foto: www.vivoenergy.com)

Hier is Vivo Energy miskien ’n goeie voorbeeld. Ek het in die uitgawe van 7 Maart oor sy resultate geskryf. Hoewel ek van die maatskappy se sakebedrywighede hou, is ek bekommerd oor sy bedrywighede in Marokko, waar die koning na verwagting brandstofregulasies gaan instel. Ons wag reeds ongeveer 18 maande en ek voel hoe langer ons wag, hoe meer glo ons die besluit gaan sleg wees.

Maar sleg vir wie? Dit kan sleg vir verbruikers wees as die koning wegdoen met gereguleerde pryse of sleg vir die kleinhandelaars indien ’n lae gereguleerde prys ingestel word. In hierdie stadium weet ons nie hoe sake vir Vivo se grootste mark gaan staan nie – dus wag ons maar. Jy sal nie altyd reg wees nie, maar deur te wag, vermy jy die scenario waar jy aandele besit wat ’n enorme ineenstorting ná die aankondiging van die resultate in die gesig staar. En in die algemeen sal jou portefeulje beter daaraan toe wees.

* Stuur 'n boodskap aan terugvoer@finweek.co.za

* Die skrywer besit aandele in Sasol.


Meer oor:  Finweek  |  Beleggings  |  Aandele
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.