Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Finweek
As die voorspelling verkeerd is
7 Maart 2019
Schalk Louw is ’n portefeuljebestuurder by PSG Wealth.

Ek vind dit is dikwels die dinge waarna ons die minste uitsien wat verrassend goed verloop, en dat baie dinge waarna ons lank uitsien dikwels uiteindelik ’n teleurstelling is.

Aan die begin van verlede jaar was daar groot verwagtinge dat ons plaaslike aandelemark einde ten laaste meer positief sou raak nadat die FTSE/JSE se indeks van alle aandele tot die einde van Desember 2017 net daarin kon slaag om gemiddelde groei van 8% per jaar te lewer.

Natuurlik het almal geweet dat dié groei hoofsaaklik die gevolg van Naspers* se groei (van 27% per jaar) oor dieselfde tydperk was.

Beleggers koester gewoonlik hoë verwagtinge wanneer maatskappye oor hul jaarresultate verslag moet doen, en dieselfde geld wanneer ontleders hul konsensusvoorspellings doen.

Dit gebeur egter dat sommige ontleders se voorspellings heeltemal verkeerd is. Met dit in gedagte, dink ek dit is ’n goeie idee om te kyk na hoekom sommige ontleders se voorspellings totaal verkeerd is, en ook na die feite wat tans tot ons beskikking is.

Aandele reageer gewoonlik positief op finansiële resultate wat beter gevaar het as wat verwag is (verdienstegroei), maar hulle reageer ook baie negatief as die resultate nie aan die verwagtinge voldoen het nie.

In negatiewe gevalle kan beleggersentiment aandelepryse in so ’n mate beïnvloed dat dit ’n algehele ineenstorting kan veroorsaak, soos in 2008 die geval in die mark was. Dit maak nie saak of ’n maatskappy se finansiële resultate beter is as in die vorige verslagtydperk nie.

Want as dit nie die verwagte resultate bereik het nie, kan dit die aandeelprys laat daal, bloot omdat die maatskappy nie aan die beleggers se verwagtinge voldoen het nie. Konsensusvoorspellings word dus noukeurig dopgehou, en hulle kan ’n belangrike rol speel in die korttermynwisselvalligheid in die mark.

Hoewel ontleders nie toekomsvoorspellers is nie, kan die soort verrassende verdienste gesien word as ’n maatstaf vir ontleders se foutiewe voorspellings.

Daar is natuurlik ontleders wat uiters akkurate voorspellings maak, maar daar is ook dié wat myle van die kol af is.

Van die vernaamste redes waarom die teiken soms gemis word, is:

1. Dit is uiters moeilik om verdienstevoorspellings te maak. Daar is so baie veranderlikes wat in ag geneem moet word dat dit byna onmoontlik is om ’n heeltemal akkurate voorspelling te maak.

2. Ontleders se voorspellings beweeg met die verloop van tyd gewoonlik nader aan mekaar, maar die probleem daarmee is dat die meerderheid nie altyd in die regte rigting beweeg nie.

3. Hulle is ooroptimisties.

4. Maatskappye wat dinge goedpraat wanneer slegte nuus aangekondig word. Dit is hoofsaaklik weens die kuns wat mense het om mediakonferensies en soortgelyke byeenkomste te beheer.

Ek is seker almal is nou bewus van die feit dat die mark nie herstel het nie en eintlik negatief gepresteer het (-6% sedert die begin van verlede jaar tot die einde van Januarie vanjaar).

Beleggers is geskok en uiters teleurgesteld, want ons was almal op soek na goeie nuus. Maar wat was die rede vir al die negatiwiteit? Ek het ’n tabel gemaak wat toon watter van die FTSE/JSE se Top40-maatskappye volgens hul jongste jaarlikse resultate beter (groen) of swakker (rooi) as die ontleders se voorspellings gevaar het. Al die rooies was nogal te wagte.

Slegs 29% van maatskappye het, op grond van hul jongste finansiële jaarresultate, die verwagtinge oorskry, en dan is daar ook dié wat nog nie hul resultate bekend gemaak het nie, en hoewel dit dalk groen op papier is, dui onlangs gepubliseerde handelsverklarings aan dat hulle nie daarin geslaag het om aan konsensusverwagtinge te voldoen nie.

Marktoestande kan steeds ongemaklik wees, maar beleggers moet ook teen aggressiewe verkope waak.

is natuurlik historiese syfers, en daar is niks wat ons nou daaraan kan doen nie, maar ek sal oor die volgende ses maande dié verrassende verdienste baie fyn dophou, want volgens die Thomson Reuters-konsensusvoorspellings verwag ontleders dat aandele (FTSE/JSE se Top40-indeks) hul deel sal doen met verwagte groei (dividende uitgesluit) van ’n enorme 18% oor die volgende 12 maande.

Wat ons nou nodig het, is heelwat meer groen en baie minder rooi op die tabel. Moenie die partytjie mis net omdat jy daarteen opsien nie. Wees geduldig.

Marktoestande kan steeds ongemaklik wees, maar beleggers moet ook teen aggressiewe verkope waak.

  • terugvoer@finweek.co.za Schalk Louw is ’n portefeuljebestuurder by PSG Wealth.
  • finweek is ’n publikasie van Media24, ’n filiaal van Naspers.
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.